Има милиони, а не ги разгалува децата – Лука Модриќ направи скромен роденден за синот
- Детали
- четврток, 08 јуни 2023
Ивано, синот на ѕвездата на „Реал Мадрид“, Лука Модриќ, роденденот го прослави скромно, а темата беше фудбал. Тортата на два ката на врвот имаше златна топка, а во делот за фотографирање беа поставени два фудбалски трофеја. И покрај тоа што Лука има милиони, тој одбива да ги разгалува децата како повеќето богаташи.
Ивано, синот на ѕвездата на хрватската фудбалска репрезентација и на „Реал Мадрид“, Лука Модриќ, наполни 13 години.
Модриќ, кој има преку 30 милиони следбеници на Инстаграм, ретко споделува приватни фотографии на социјалните мрежи, па ги изненади фановите со фотките од прославата на роденденот на синот.
„Среќен роденден големо момче. Те сакам многу“, напиша Лука и сподели дел од атмосферата од роденденската прослава.
Ивано роденденот го прослави скромно, иако татко му „тежи“ 75 милиони евра. Темата на забавата беше фудбал.
Тортата на два ката на врвот имаше златна топка, а во делот за фотографирање беа и два фудбалски трофеја и многу балони.
Лука, кој е една од најголемите фудбалски ѕвезди во светот, заработува милиони, но не ги разгалува децата - синот Ивано и ќерките Ема и Софија.
Тој секогаш им приредува скромни прослави и не се расфрла со пари за нив.
Во една прилика Модриќ рече дека тој и сопругата Вања, која е 6 години постара од него, сакаат да им всадат вистински животни и семејни вредности на децата.
На оваа нивна желба има влијание и детството на Лука.
Тој потекнува од сиромашно и скромно семејство, а пред неколку години се појави видео на кое се гледа како тогаш 5-годишниот Лука чува стадо овци на Велебит.
Лука во видеото е на 2:30.
A. J. | Црнобело
Би можело да ве интересира:
Препорачуваме
Најчитани неделава
