Данијела Мартиновиќ ужива со новиот дечко, Хана Хуљиќ во топ форма пред 1-иот роденден на ќерката со Грашо

Детали

среда, 14 јуни 2023

Фановите на Данијела велат дека таа заслужува љубов, откако по 24-годишна врска со Петар Грашо, тој се ожени со Хана Хуљиќ. Па, откако пејачката објави прва фотка со новиот дечко, полицаецот Јосип Плавиќ, љубовните животи на Данијела и Петар повторно се во фокусот на хрватската јавност.

Хрватската ѕвезда Данијела Мартиновиќ на (12.06) ја промовираше нејзината нова книга „Туширање душе“, а на промоцијата беше гостин и нејзиниот дечко, полицаецот Јосип Плавиќ.

Таа на промоцијата раскажа анегдоти од своето минато, кои се вклучени и во книгата и раскажа за тешката сообраќајна несреќа што ја имала како дете, заедно со своето семејство, а во која, како што вели, можела и да загине.

„Јас испаднав од автомобилот, единствна. Мајка ми со нозете удира прво во стаклото за да можам да излезам надвор, се слуша како нешто тече, чкрипи: ‘Ќе се запалиме. Тече бензин’. А тоа била ракија.

Мајка ми подоцна ми рече дека ако сум паднела малку полево или подесно, ќе сум умрела на лице место. Но, не умрев“, напишала Данијела во книгата, а пренесе Story.hr.

И покрај ова, поголемо внимание привлече дечкото на Данијела, кој беше во публиката за да ја поддржи на нејзиниот голем ден.

Данијела неколкупати претходно зборуваше за врската со Јосип и кажа дека ѝ е убаво до него, а сега објави и прва заедничка фотка со новиот дечко.

Ова предизвика бурни реакции кај оние кои ја обожаваат пејачката, особено откако неколку хрватски медиуми споделија и фотографии на кои Јосип ја бакнува Данијела.

Фановите велат дека хрватската џебна Венера заслужува љубов и заслужува да биде среќна, откако по 24-годишна врска со Петар Грашо, тој се ожени со Хана Хуљиќ, ќерката на композиторот Тончи Хуљиќ, близок пријател и на Данијела и на Петар.

Откако јавноста дозна за врската на Хана и Петар, таа беше постојано мета на критики.

Имаше и такви кои ја навредуваа дури и на денот на нивната свадба, па и кога им се роди ќерката Алба. Тие приватниот живот го чуваат далеку од јавноста, па немаат ни заеднички фотографии на своите профили на социјалните мрежи.

И додека Петар споделува фотки поврзани со своите настапи и кариерата, Хана ретко објавува фотографии.

Затоа многумина беа изненадени кога во мај на Инстаграм објави фотка во ливада покрај булки на која е во топ форма, само еден месец пред првиот роденден на ќерката.

Хана ја роди ќерката Алба на 17 јули 2022 година и до сега нема споделено ниедна фотка со неа.

Прочитајте и Данијела Мартиновиќ среќна во љубовта со инспекторот, по Грашо: „Јосип ми дава мир, отворена сум за сите опции - и брак“

А. Ј. | Црнобело