„Сигурно така ѝ наредиле газдите“ - Жена во Белград брише стакла на 11-ти кат без опрема (вознемирувачко видео)

Детали

вторник, 20 јуни 2023

Жена во чорапи стои на претесниот простор пред прозорецот, со една рака се држи за рамката, со друга го брише прозорецот на 11-ти кат... Овaa бизарна глетка од луксузниот комплекс станови „Београд на води“ е хит на Твитер, а коментарите се: „Тоа е жена што мора да слуша што ѝ наредиле сопствениците на луксузниот стан каде што чисти“.

Бизарно видео кружи на социјалните мрежи на кои се гледа како една жена чисти прозорци на 11-ти кат на зграда од луксузниот комплекс станови „Београд на води“ во Белград.

Коментарите на видеото се најразлични, но најголем дел од твитерџиите се сложни дека за ниту едни пари на светот не би го работеле ова.

На видеото објавено на Твитер се гледа како една жена со едната рака се држи за рамката од гломазните прозорци што не се отвораат, додека однадвор ги чисти стаклата на станот каде што најверојатно работи како хигиеничарка.

„Зарем нема некои професионални чистачи на стакло за овие зградишта во ‘Белград на вода’? Аман! Па жената се држи за вратата на некој 10-ти, 11-ти кат“ – стои во описот на видеото што вирално се прошири на Твитер.

Твитерџиите пишуваат најразлични коментари, но сметаат дека сигурно постои побезбеден начин да се исчистат прозорците без вработените да го загрозат сопствениот и туѓиот живот.

Дел од коментарите:

„Ова е некој екстрем и зависничка од адреналин, постојат голем број справи за чистење прозорци, а да не го загрозиш и својот и туѓиот живот“;

„Јас не би се качил ниту да ми дадат милион евра“;

„Сигурно сопственикот на станот ѝ наредил... Кутра жена“;

„Кога ќе помислиш дека ништо веќе не може да те изненади во Србија, жената излезе да го исчисти прозорецот“ – стои во дел од коментарите.

Б. С. Б. | Црнобело