Сите детали за свирепото убиство на српската тиктокерка (18), која ја барале 20 дена и ѝ го нашле телото во стан во Белград

Детали

петок, 07 јули 2023

Вчера (06.07) српските медиуми пренесоа дека во стан во Белград било пронајдено искасапеното тело на 18-годишна тиктокерка, која 20-тина дена беше исчезната. Убиецот е уапсен и го признал делото, но не е познат мотивот за свирепото злодело. Ноа Миливојев е трансродова жена, родена во близина на Нови Сад.

Српската јавност и регионот се потресени од бруталното убиство на младата тиктокерка која 20-тина дена се водеше како исчезната.

Ноа Миливојев (18) исчезнала на 17-ти јуни во Белград, а вчера (06.07) српските медиуми споделија дека полицијата го пронашла нејзиното мртво тело.

Nova.rs пренесува дека Ноа била свирепо убиена и дека според неофицијални информации, нејзиното тело било најдено во неколку големи вреќи за отпад.

Ноа Миливојев е трансродова жена родена во близина на Нови Сад. Беше популарна на ТикТок, каде што со своите следбеници споделуваше детали од својот живот.

Нејзиниот профил на социјалната мрежа го следат над 14.000 корисници.

Teelgraf.rs пренесува дека Ноа често трпела болни навреди поради тоа што е трансродова личност, но и покрај тоа не се откажувала од намерата да му покаже на светот дека и трансродовите лица се како и сите други.

Ноа исчезнала на 17-ти јуни, а нејзиното семејство почнало да се грижи откако не можеле да ја добијат на телефон.

Тогаш пуштиле апел на социјалните мрежи, вклучувајќи и неколку српски медиуми, со надеж дека ќе дознаат нешто за неа.

Пред да исчезне, Ноа се слушнала со мајка ѝ и ѝ рекла дека ќе оди во домот на нејзиниот дечко. Член на семејството изјавил дека тогаш дечкото бил испрашан, но кажал дека не ја видел Ноа на денот кога исчезнала.

20-тина дена подоцна, нејзиното тело било пронајдено во стан во Белград.

Српските медиуми пренесуваат дека веднаш бил уапсен и убиецот кој наводно го признал делото и тој им покажал на полицајците каде е телото на Ноа.

Тој ја убил Ноа во неговиот дом, а телото ѝ било толку искасапено, што Ноа била непрепознатлива.

За јавноста не е познат идентитетот на убиецот, ниту мотивот за свирепото убиство на 18-годишната девојка.

https://www.tiktok.com/@noa.diva/video/7245588231687769350

https://www.tiktok.com/@noa.diva/video/7234058908610923782

Спирова С. | Црнобело