Луѓето во Србија откриваат: „Зошто има толку многу разводи во последно време?“
- Детали
- сабота, 22 јули 2023
„Една од причините за развод е и стапувањето во брак од интерес. Приоритет им се парите, но потоа сфаќаат дека не можат да трпат разни работи само во име на парите“ е еден од одговорите на анкетата: „Зошто денес луѓето толку често се разведуваат?“.
Српскиот портал Nova.rs има практика на своите читатели да им прави анкети на интересни теми.
Но, не само во Србија и во Македонија има многу разводи во последно време, па веруваме одговорите ќе ве заинтересираат.
Србите ги споделуваат своите гледишта на ова прашање:
„Затоа што многу луѓе на бракот гледаат површно и како да се прави сè за да се уништи бракот како институција.
Луѓето стапуваат во брак брзо, а всушност се познаваат само површно и штом им помине заљубеноста, почнуваат да им пречат работи кои не ги виделе на почетокот, па мислат дека партнерот ќе се промени, а реалноста е дека нема.
Исто така, причина е и стапувањето во брак од интерес. Приоритет им се парите, но потоа сфаќаат дека не можат да трпат разни работи само во име на парите“.
„Живееме во време на нетолеранција, површност и неморал, каде семејниот живот, сигурноста, нормалноста и моралот се непосакувани. Егоцентричноста и вљубеноста во самите себе и ставање на прво место на своите интереси е штетно. На прво место се става јас, а не ние.
Не постои компромис, емпатија, жртвување, тоа е дури маргинализирано и исмејувано.
Парите, раскошот и моќта стануваат синоним за љубов, а не се става фокус на стабилниот семеен живот и бракот, кој е составен од подеми и падови.
Мора да се прекине со нарцисоидноста и да се отстапи простор за љубовта и давање на партнерот чисто срце – нешто што е неопходно за здрав брак и партнерство“.
„Жените станаа самостојни, заработуваат добро и не зависат од мажите, не мораат да живеат со нивните родители и не сакаат да трпат ништо.
Мажите пак не се подготвени за овие промени и се обидуваат да ги задржат старите навики.
На оние кои не сакаат да се адаптираат и да направат компромис, им се случува развод“.
Што мислите вие?
С. С. | Црнобело / фото: depositphotos.com
Би можело да ве интересира:
