Најсимпатичната приказна од Грција летово: Детенцето од Србија не ја најде мистериозната Дарина и само отиде на сладолед

Детали

вторник, 15 август 2023

„Се враќаме во Србија, а Дарина не ја најдовме. Дознавме дека нејзините родители изнајмиле брод и таа најверојатно шишето со пораката го фрлила од бродот. Марко се поздрави со Константинос, а сладоледот ќе го подели со Дарина или некоја друга ‘Дарина’, бидејќи Грција, морето, палмите и мирисите носат некоја магија“.

Марко од Србија стана вистински миленик во регионот, откако неговиот татко на Фејсбук објави фотографија велејќи дека тој на плажа нашол порака во шише, потпишана од извесна Дарина, па заедно пробаа да го најдат мистериозното девојче.

Тие ја поканија Дарина на сладолед во позната слаткарница во Вурвуру, каде што беа на летување, но љубовната потрага заврши без успех.

Но, пред да заминат од летувањето, таткото на детенцето, Душан Владислав, објави нова порака и фотографија дека неговиот син сепак е на сладолед кај Константинос, каде што го чекаше девојчето.

„Големо благодарам до сите членови на групата кои ни дадоа поддршка да ја најдеме мистериозната Дарина. Многу е убаво што луѓето ја препознаа детската невиност. Како што напишаа некои, можеби и ние возрасните би можеле да научиме нешто од децата.

За жал, ние се враќаме во Србија, а Дарина не ја најдовме. Дознавме дека нејзините родители изнајмиле брод во Ормос Панагијос и таа најверојатно шишето со пораката го фрлила од бродот.

Марко се поздрави со Константинос, до следната година. А сладоледот... ќе го подели со Дарина или некоја друга ‘Дарина’, бидејќи Грција, морето, палмите и мирисите носат некоја магија“, напиша тој.

Тој на 7 август објави две фотографии од својот син, кој нашол порака во шише на плажа и јавно побара помош да го најдат девојчето што се потпишало како Дарина.

Иако членовите на групата „Грчка инфо“, каде што ја објави пораката, се обидоа да му помогнат, потрагата заврши неуспешно.

„Тоа е таа неисполнета младешка љубов, ама ќе му остане како убава приказна“,

„Еве јас сум Дарина и иако сум постара, работам со деца, па го канам Марко на сладолед“,

„Колку е Марко сладок, многу Дарини ќе стојат во ред за да му ги кажат на глас своите пораки“, се дел од коментарите.

Прочитајте и Детенце од Србија најде порака во шише на плажа во Грција, па преку Фејсбук ја бара мистериозната Дарина

А. Ј. | Црнобело