Девојка од Србија стана мета на критики на Твитер со нејзината роденденска кореографија, па им одговори на хејтерите (видео)

Детали

понеделник, 04 септември 2023

„Ова е мојот роденден и да, јас сум девојката во црно. Посакувам барем на неколку минути да носам туѓа глава за да видам кому и како му штетат овие неколку движења и една одредена песна“ – порача пинковата ѕвездичка Ива Грујин, која се соочи со критики на Твитер затоа што со другарките на нејзиниот 18-ти роденден танцувала на песна од Теа Таировиќ.

Некогашната пинкова ѕвездичка Ива Грујин стана вистински хит на Твитер откако објави видео на кое за време на нејзиниот 18-ти роденден заедно со другарките танцуваат во заедничка кореографија на песната „Биби Хабиби“ од Теа Таировиќ.

Првично, видеото од прославата доби голем број критики заради изборот на песната, но на многумина танцот и забавата им изгледаат симпатично и убаво.

По негативните коментари, на Твитер се огласи и самата Ива Грујин, која порача:

„Ова е мојот роденден и да, јас сум девојката во црно. Посакувам барем на неколку минути да носам туѓа глава за да видам кому и како му штети кога станува збор за неколку движења и за една одредена песна.

Со оглед на тоа што никој не е повреден и навреден, мислам дека сè е на свое место. Ширете малку љубов, тоа не штети“.

Ива и нејзините другарки добија голем број позитивни коментари, од луѓе кои велат дека целата атмосфера им изгледала мошне симпатично и забавно.

Иако многумина не се согласуваат со музичкиот избор на девојките, сепак им се допаѓа тоа што тие се расположени и весели и се потрудиле да ја разубават вечерта.

„Девојките само се радуваат, се потрудиле некому да му ја разубават вечерта и прославата, така што ја научиле кореографијата. Станува збор за вкусови, но не треба да се потсмевате на нечиј труд, слога и среќа;

Ова изгледа фантастично. Се гледа убава и опуштена атмосфера и насмевки. Што треба повеќе?

Овде гледам само убаво расположени луѓе“ – стои во дел од коментарите.

Б. С. Б. | Црнобело