Девојче од Хрватска е мала регионална Инстаграм ѕвезда - шири позитива со слатки пораки за љубов и среќа (видео)

Детали

петок, 22 септември 2023

„Доволно ми е да ја видам твојата слатка насмевка и да ми се разубави денот“, „Прекрасна си. Кога имам тежок ден твоите видеа ме расположуваат“, пишуваат следбениците на Лејла, а таа ги расположува со своите интересни видеа, каде порачува „Ако си тажен, ако некој те нервира, нема врска, ќе помине“.

Лејла од Хрватска е вистинска мала балканска ѕвезда на Инстаграм. Таа преку слатки видеа шири позитива, љубов и пораки за среќа. Профилот maala_slatkica го менаџира нејзиниот татко, кој ги објавува видеата на Лејла.

„Најмладата мотиваторка на Инстаграм. Придружете му се на моето патување полно со мотивација“, стои во описот.

Лејла ја следат преку 134.000 луѓе, кои се забавуваат со нејзините видеа.

„Ако си тажен, ако некој те нервира, нема врска, ќе помине“,

„Ако ти е лош денот, не е важно – утре е нов ден“,

„Следете го своето срце – тоа го знае патот до вашата среќа“,

„Од мама и од тато слушнав дека не е важно колку пати ќе паднеш, туку колку пати ќе станеш како победник“, вели Лејла во некои од своите кратки и интересни видеа.

А коментарите се само позитивни.

„Доволно ми е да ја видам твојата слатка насмевка и да ми се разубави денот“,

„Прекрасна си. Кога имам тежок ден твоите видеа ме расположуваат“,

„Секогаш остани вака слатка и насмеана“, ѝ пишуваат следбениците на Инстаграм.

Ви се допаѓаат ли видеата на Лејла? 

А. Ј. | Црнобело