Го намолија да се качи на сцената, па го „украде“ шоуто: Новак Ѓоковиќ свири саксофон на концертот на Стјепан Хаусер

Детали

среда, 25 октомври 2023

„Има ли нешто што Ноле не знае да го направи?“ – прашуваат твитерџиите, откако на социјалните мрежи вирално се прошири видеото на кое се гледа како Новак Ѓоковиќ свири на саксофон за време на концертот на Стјепан Хаусер.

Музичарот Стјепан Хаусер вчеравечер одржа концерт во Белград, а најдобриот светски тенисер Новак Ѓоковиќ и неговата сопруга Јелена беа во првите редови во публиката.

Но, моментот од кој многумина останаа изненадени е тоа што Ноле застана на сцената и се обиде да свири на саксофон заедно со другите членови на бендот.

Видеото на кое Ноле ги покажа своите музички способности стана хит на социјалните мрежи, па многумина коментираат дека најдобриот светски тенисер имал скриени способности за кои никој претходно не знаел.

„Постои ли нешто што Ноле не може да го направи?“ – прашуваат твитерџиите.

Инаку, видеото од настапот на Ноле е споделено и на Инстаграм профилот на Стејпан Хаусер, а во него се гледа како тој го кани на сцената, а Ноле прво одмавнува со раката и вели: „Не“, но потоа сепак одлучи да се качи на сцената и да приреди вистинско изненадување за публиката.

„Каква ноќ синоќа во Белград!!! Ви благодарам од срце... А добивме и нов член на бендот“ – напиша Стјепан до видеото.

Погледнете го настапот на Ноле:

Б. С. Б. | Црнобело