„На шега сакам да кажам дека имам 29 години и дека сум се мажела три пати.
Свадбите во Индија се спектакуларни, немам зборови да ги опишам. Секој ден е различен и секој ден е на различно место со различно уредување.
Првиот ден забавата беше во шатор, на отворено, а на тревата наоколу имаше над 2.000 луѓе.
Следниот ден отпатувавме во друг град и имавме цел остров за нашата венчавка, па таму славевме. Секој гостин имаше свој батлер на таа прослава. Само фотосесијата со гостите траеше 3 часа и добив воспаление на мускулите на лицето од смеење“, вели Барбара.
Таа раскажува дека нејзините родители на почетокот биле шокирани кога им кажала за врската со Аман.
„Отпрвин беа малку изненадени, не знаеја како да се прилагодат на индиската култура. Но, како што го запознаваат, сега мислам дека на моите родители дури повеќе им се допаѓа Аман, отколку на мене“, рекла Барбара низ смеа.
Еден од обичаите ѝ бил особено необичен, а тоа е дека пред свадбата младенците одат кај астролог.
„Кога мајката на Аман нè одведе кај астрологот, тој рече дека сме најлошата љубовна комбинација што ја видел во последните 30 години.
Toa беше малку загрижувачки, но се венчавме и среќни сме“, додала Барбара.
Барбара и Аман се запознале во Лондон, а во 2020 година се преселиле во Загреб и засега имаат намера да останат таму.
Повеќе фотографии од свадбите на Барбара и Аман на следната страница...
Би можело да ве интересира:
