Вељко Ражнатовиќ со емотивна порака објави дека чека трето дете: „Богдана, кралице моја!“

Детали

понеделник, 20 ноември 2023

Цеца во мај годинава откри дека Вељко сака трето дете и оти се надева дека ќе добие ќерка. Сега, нејзиниот син откри дека очекуваат принова во семејството, но дека повторно ќе добијат син. Боксерот не ја крие радоста што во семејството ќе имаат уште еден член.

Синот на српската  фолк дива Цеца Ражнатовиќ, Вељко откри дека очекува трето дете, веќе се знае полот, а и името што ќе му го дадат со сопругата Богдана.

Вељко Ражнатовиќ на својот Инстаграм профил објави дека неговата сопруга Богдана, повторно е бремена.

Тој објави фотка од синовите Крстан и Жељко, а на неа напиша:

„Ни пристига уште еден батко“ и објави дел од медицинскиот наод каде се наоѓа полот на бебето – машки.

„Слава му на Бога! Ти благодарам Боже, за сè што  на мене грешникот ми подари, слава на Отецот Синот и Светиот Дух! Богадана, кралице моја!“ – напиша тој до наодот.

Инаку, Вељко и Богдана веќе подолго време живеат во Тител, каде изградија свој дом.

Тие живеат во непосредна близина на родителите на Богдана, а инаку синот на Цеца и на Аркан во една пригода откри дека знае како ќе се вика и третиот син што тие ќе го добијат.

„Ако имам и трет син ќе се вика Лазар. Моите синови ќе имаат само српски имиња“ – изјави тој.

Претходно, додека неговата сестра Анастасија беше бремена, пред да го загуби бебето во петтиот месец од бременоста, мајка му Цеца, откри дека Вељко сака уште едно дете и се надева дека овојпат ќе добие ќерка.

Но, очигледно боксерот не е премногу разочаран што во неговото семејство ќе имаат уште еден син.

Б. С. Б. | Црнобело / фото: Инстаграм