Јелена Карлеуша ги критикува колешките што користат ботокс: „Како зомби сте, усните ви се згрутчени!“

Детали

вторник, 21 ноември 2023

„Нашите женски јавни личности пред 30-тата година изгледаат како зомби! Со ужасни згрутчени усни од евтиниот силиконски материјал, натечени од ботоксот, со лошо оперирани носови“ – Јелена Карлеуша удри по младите колешки што прават естетски операции и им порача да го негуваат природниот изглед.

Српската пејачка Јелена Карлеуша повторно предизвика лавина реакции со нејзина објава на Инстаграм Стори. Овој пат таа ги критикуваше младите жени што користат ботокс и што прават естетски корекции.

Јелена важи за личност што секогаш искрено го изнесува сопственото мислење во јавноста, а овој пат рече дека ѝ пречи тоа што младите сѐ почесто користат ботокс и естетски операции.

Иако и самата признала во повеќе пригоди дека направила операции на градите и на усните, таа вели дека ѝ се гади од девојките што во младоста користат ботокс и филери.

„Сметам дека со закон треба да се забрани вбризгување на ботокс во лицето на жените пред 35-тата година.

Се ужасувам од сликите и видео снимките на социјалните мрежи каде на младите девојки од 20-тина години им се вбризгува ботулинумски токсин во младото лице, односно во мускулите на лицето“ – вели Карлеуша.

Таа се прашува ако девојките на 20 години почнат со вбризгување ботокс, како ќе им изгледа лицето на 40 години.

„Негувајте се! Немојте да се пржите во солариум, не јадете мрсна храна, јадете многу овошје и зеленчук, немојте да пушите, заборавете на 10-те кафиња дневно, бришете ја шминката и потхранувајте ја својата кожа со постојано хидрирање! Консумирајте многу вода! Спијте! Користете добри квалитетни кремови!

Земајте витамински суплементи. Каков ботокс? Дали гледате како изгледаат нашите женски јавни личности пред 30-тата година? Како зомби!

Со ужасни згрутчени усни од евтиниот силиконски материјал, натечени од ботоксот, со лошо оперирани носови, што им го отежнуваат дишењето и со ‘замрзнати’ лица од разни филери и ботокси!“ – вели Јелена во својата објава.

Очекувано, оваа објава на Карлеуша предизвика лавина реакции на социјалните мрежи, а многумина сметаат дека пејачката е контрадикторна.

Таа во мај годинава изјави дека со лекарите има направено детален план, како и во наредните 20 години да изгледа исто како и во моментот и да не се промени.

Б. С. Б. | Црнобело