Прво обраќање на Марија Шерифовиќ откако стана мајка – Зборува со цуцлата во раце, танцува со Марио

Детали

вторник, 19 декември 2023

„Сѐ е претрупано со љубов и верувајте ми дека тоа можеме да го почувствуваме. Моето скорписко срце прима премногу љубов, така што мене ми треба време сето тоа некаде да го процесирам“ – им порача Марија Шерифовиќ на своите фанови кои не престануваат да праќаат честитки до неа, откако се дозна дека станала мајка.

Српската пејачка Марија Шерифовиќ во моментов се наоѓа во САД, заедно со мајката Верица и синот Марио кого го доби на 2-ри декември со помош на сурогат мајка, а имаше прво обраќање на Инстаграм Стори откако стана мајка.

Со цуцла во рацете, Марија уште еднаш им се заблагодари на сите поддржувачи и фанови кои упатиле голем број честитки до неа, а најави дека иако првично сакала да ја откаже претстојната турнеја, сепак таа ќе настапи на закажаните концерти.

„Со оглед на тоа што ова е мое прво обраќање вака по пат на Стори, сакам на сите вам да ви се заблагодарам на преубавите пораки! Сѐ е претрупано со љубов и верувајте ми дека тоа можеме да го почувствуваме.

Моето скорписко срце прима премногу љубов, така што мене ми треба време сето тоа некаде да го процесирам, а потоа сум сигурна дека ќе се укаже пригода кога ќе можам за сето ова многу подолго и посериозно да зборувам. За почеток сакам на сите да им се заблагодарам за љубовта што ни ја праќате“ – им се обрати Марија на фановите, додека ја држеше цуцлата во рацете.

За првпат имавме можност да ја видиме Марија како го држи синот во раце, а од објавите може да се процени дека пејачката одлично се снаоѓа во улога на мајка.

Прочитајте и Сите детали за патот до мајчинство на Марија Шерифовиќ: Детето се родило во САД, името на таткото не смее да го открие

Б. С. Б. | Црнобело