Мајка ѝ на Северина само еднаш се огласи за Милан Поповиќ: „Користи КГБ методи кон ќерка ми – ме боли кога ја гледам!“

Детали

четврток, 01 февруари 2024

„Од каде му е правото 10 години непристојно да го валка името на мојата ќерка, мајката на своето дете? Размислува ли тој некогаш за мојот внук, за неговиот син?“ – прашува мајката на Северина, Ана Вучковиќ, во своето отворено писмо што пред една година го упати до медиумите.

Северина неодамна ја загуби правната битка што ја водеше за старателството над синот Александар (12), откако Врховниот суд во Хрватска одлучи целосното старателството да му го предаде на нејзиниот некогашен партнер Милан Поповиќ.

Познато е дека мајката Ана е најголема поддршка за пејачката, и се држи настрана од јавноста.

Но, по неколкуте јавни изјави во кои Милан Поповиќ јавно зборуваше и ја оцрнуваше мајката на неговото прво дете, Ана Вучковиќ не можеше да премолчи, па упати отворено писмо до сите медиуми.

Хрватските медиуми деновиве повторно го пренесуваат писмото на Ана, во кое таа јавно кажа што мисли за нејзиниот несуден зет.

„Ги прочитавте изјавите на Милан Поповиќ и сите знаете кој е тој само затоа што беше со мојата ќерка, претходно никој не ни слушнал за него.

Тој објаснува што се случувало во мојата куќа. Нека му е срам. Од каде му е тоа право? Ниту бил тука, ниту некогаш ќе ми го премине прагот.

Понатаму, од каде му е правото 10 години непристојно да го валка името на мојата ќерка, мајката на своето дете? Размислува ли тој некогаш за мојот внук, за неговиот син?“ – прашува Ана.

Таа вели дека Милан со години јавно ја малтретира Северина и јавно плука по неа, мајката на неговиот син.

„Ме боли и мене кога гледам како живее ќерка ми. Следење, малтретирање, тужби, поткупување луѓе, тој ги употребува најлошите КГБ методи кон мојата Северина и луѓето во нејзиното опкружување“ – обвини Ана.

Таа се осврна и на тврдењата што беа изнесени во неколку медиуми, и што ги повтори и Милан Поповиќ, дека пејачката физички ја нападнала својата сестра.

„Го повторив она што го реков и во полиција, а тоа е дека Северина не ја повреди сестра ѝ, туку сестра ѝ беше таа што физички се пресметуваше.

Да, реков и дека на сестра ѝ не ѝ е првпат да ја пријавува Северина и својата сопствена ќерка.

Северина се грижи за мене и ме боли сето тоа што сестра ѝ ѝ го прави и што измислува и лажно ја пријавува.

Северина ја презеде грижата за мене и за мојата внука која бегајќи од мајка ѝ во Загреб, дојде да живее кај тетка ѝ“ – пишува Ана.

Инаку, Ана Вучковиќ ретко можеме да ја видиме во медиумите, но речиси секогаш е тука да ѝ даде поддршка на Северина во тешките мигови.

Прочитајте и Сестрата на Северина со нови обвиненија за пејачката: „Таа користи опојни супстанции, подготвена е да направи сè за пари, па и порно-филм“

Б. С. Б. | Црнобело