Како преморениот контролор ја предизвикал најстрашната авионска несреќа во Југославија?

Во исто време, пилотот на „Adria Impex“ разговарал со контролор од средната граница и побарал дозвола да се искачи на поголема висина.

Во тоа време, авионот летал на висина од 26.000 стапки (околу 8 километри)

Со оглед на тоа што на висина од 28.000 и 31.000 стапки имало други авиони, контролорот му дозволил на пилотот да се искачи на височина од 35.000 стапки (10-тина километри).

Одеднаш, кога сфатил дека постои можност за судир со британскиот авион, контролорот му рекол на пилотот на „Adria Impex“ да престане да се искачува и во паника почнал да зборува на српско-хрватски, наместо на англиски јазик и пилотот на британскиот авион воопшто немал поим што се случува.

Кога пилотот на „Adria Impex“ го порамнил авионот, тој бил на височина од 33.000 стапки и на пат за директен судир со британскиот авион.

За несреќата бил обвинет само еден контролор

По преслушувањето на црните кутии и снимките, главни осомничени за несреќата биле осумте контролори на летот и ним им се заканувале затворски казни од 3 до 12 години.

Судскиот процес започнал на 11-ти април 1977-ма година, а траел вкупно 3 недели. Седумте контролори биле ослободени од обвинение, додека осмиот контролор Градимир Тасиќ бил прогласен за единствен виновник.

Тоа е всушност контролорот кој му дал дозвола на авионот на „Adria Impex“ да се искачи на поголема височина.

Тој добил првична затворска казна од 7 години, но по големиот број жалби, на крај во затвор поминал само 2 години и 3 месеци.

Осум години по несреќата биле поништени претходните пресуди и било закажано ново судење, во кое контролорот Градимир Тасиќ бил ослободен од обвиненијата, затоа што неговите колеги докажале дека тој работел под екстремно тешки услови, работејќи три последователни дена во смени од по 12 часа, на аеродромот кој во тоа време бил еден од најпрометните во Европа.

По излегувањето од затвор, контролорот ја тужел државата, а Србија како наследник на СФРЈ цели 36 години по несреќата го исплати обесштетувањето на семејствата на настраданите, кое изнесуваше 30 милиони евра.

Б. С. Б. | Црнобело