Партнерката на Милош Биковиќ објави фотка како го дои синот, актерот се жали дека деновиве сѐ се сведува на плачење

Детали

понеделник, 26 февруари 2024

„Засега сѐ се сведува на плач. Плаче бебето, но плачам и јас“ – изјави Милош Биковиќ за српските медиуми. Неговата партнерка ги објави првите фотки од синот и покажа како се снаоѓа во улогата на мајка.

Партнерката на Милош Биковиќ, Ивана Малиќ, објави неколку фотки за да покаже како им изгледа животот овие денови со новороденче. Таа објави фотка на која го дои синот, од него како спие со неговото кадифено зајче, но и од количката додека се на прошетка.

„Животот овие денови“ – напиша таа до фотките.

Милош и Ивана го добија синот Василије во јануари годинава, а тие важат за пар кој не сака воопшто да го покажува бебето во јавност, па на сите фотографии го кријат неговото лице.

Милош неодамна даде интервју за српските медиуми, па одговори и на прашањето како се снаоѓа во улога на татко.

„Во таа улога човек се остварува сѐ додека е жив. Таа улога се развива.

Ќе видиме каква ќе биде во иднина, но засега сѐ се сведува на плач. Плаче бебето, но плачам и јас“ – изјави Милош.

Инаку, Ивана и Милош се заедно околу две години, а неговиот руски колега Иван Оклобстин, во изјава за руските медиуми откри дека актерот во тајност се венчал за својата партнерка без никој да знае за тоа.

Тие двајца го добија синот Василиј на 9-ти јануари годинава, само неколку дена пред актерот да го прослави својот 36-ти роденден.

Прочитајте и „Сме биле богати, а потоа сме загубиле сѐ“ – Помалку познати детали од детството на Милош Биковиќ

Б. С. Б. | Црнобело