Бресквица е висока само 160cm, а играла кошарка – Детали за пејачката, фаворит на српскиот избор за песна на Евровизија

Детали

петок, 01 март 2024

Хоби ѝ е реставрирањето стари автомобили, благодарение на Војаж стана славна, а сега има нов дечко, за кого велат дека е „набилдана верзија“ на пејачот. Детали за српската пејачка Бресквица, чија песна е фаворит за изборот на Песна за евровизија.

Ангела Игњатовиќ, која е попозната под уметничкото име Бресквица, деновиве е топ тема низ српските медиуми заради настапот со песната „Гнездо орлово“ на српскиот избор за Песна за Евровизија.

Таа на сцената се појави во бел фустан со ангелски крилја и костим кој е инспириран од српскиот фолклор, а влезе во финалната вечер и важи за една од најголемите фаворити, иако нејзиното учество е проследено со низа скандали затоа што, според некои, песната има политички конотации.

Која е всушност Ангела Игњатовиќ - Бресквица?

Бресквица е родена во Белград во 2001-ва година во Белград, а нејзините родители не се познати личности.

Таа завршила средно училиште во Белград, а прекарот го добила од својата најдобра другарка, па така се определила и за своето уметничко име.

Во едно гостување во емисија, таа раскажа дека прекарот го добила затоа што праските ѝ биле омилена ужина.

„Константно јадев праски на големиот одмор“ – рече таа.

Како дете се занимавала со кошарка, но заради повреда морала да прекине да се занимава со спортот.

Со својата висина од само 160cm и необичната боја на гласот, Бресквица често ја нарекуваат и српската Аријана Гранде.

Уште еден интересен детаљ за Бресквица, која се прослави како трап пејачка, е и тоа што како мала слушала само рок и метал и така и се облекувала.

Заради нејзиниот стил на облекување, многумина ја осудувале и ја нарекувале „секташка“.

Дел од српските медиуми пишуваат дека Бресквица одлучила да ги избрише сите „чудни“ фотки на Инстаграм од тоа време, веднаш штом станала славна.

Продолжува на следната страница...