Скандалозниот актер Сергеј Трифуновиќ се сврши со многу помлада девојка, по бурниот љубовен живот

Детали

вторник, 26 март 2024

„И јас да си дочекам снаа... веќе почнав да губам надеж“, напиша Тарик Филиповиќ на Инстаграм, на фотографијата со која Трифуновиќ потврди дека ја запросил девојката.

„Вечниот ерген“ Сергеј Трифуновиќ (51) се сврши со својата помлада девојка, поранешната водителка Исидора Мијановиќ, за која српските медиуми шпекулираат дека има 28 години. 

Тој ја запроси на нејзиниот роденден, по што Исидора објави фотографија од прстенот на Инстаграм Стори.

„Време е да ви соопштам дека ќе се мажам“, напиша таа.

Брзо потоа веста ја потврди и актерот, кој сподели заедничка фотографија на својот профил на Инстаграм.

„Истото ви го посакувам и вам“, напиша тој, а на фотографијата е во прегратката на свршеницата.

Ова предизвика бурни реакции кај неговите пријатели, кои велат дека „одамна кренале раце од него“. Меѓу нив е и Тарик Филиповиќ.

„И јас да си дочекам снаа... веќе почнав да губам надеж“, коментира Тарик.

Трифуновиќ зад себе има бурно љубовно минато. Го поврзуваа со пејачките Наташа Белквалац, Марина Перазиќ, со актерката Марија Каран...

Беше во врска и со хрватската манекенка Кристина Сајко, но и со други познати жени од јавниот живот во Србија.

Сергеј важи и за еден од најскандалозните актери во Србија. Пред неколку години тој беше притворен во Хрватска откако на плажа навредувал полицајци.

Многупати учествувал на партиски и граѓански протести во Србија, а на еден од нив доби неколку удари во главата, по што заврши во болница.

Неколкупати предизвикал автомобилски несреќи, а во едната од нив е повредена девојка, но против Сергеј не се поднесени кривични пријави. Во тоа време медиумите пишуваа дека возел под дејство на наркотици.

Актерот беше обвинет и за малверзации со пари преку неговата фондација „Поддржи го животот“, бидејќи наводно, парите што ги собирале за донации за лекување на болни деца, се користеле за друга намена. Трифуновиќ ги демантираше овие обвиненија.

Повеќе фотографии од свршеницата на Сергеј Трифуновиќ на следната страница...