Вирално видео: Пријовиќ прекина концерт за девојка од публика – покажа дека има срце од злато

Детали

петок, 29 март 2024

„Престанете да свирите“ - на социјалните мрежи кружи видео од концертот на Александра Пријовиќ во Бања Лука, која престана да пее за да ѝ помогне на една девојка од публиката на која нагло ѝ се слоши.

Александра Пријовиќ најави концерт и во Скопје (на 14-ти јуни), а деновиве имаше свој настап и во Бања Лука, каде пејачката мораше накратко да го прекине, за да ѝ помогне на една девојка на која ѝ се слоши, додека таа го изведуваше нејзиниот огромен хит „Дам дам“.

Пејачката забележа дека нешто се случува во близина на сцената и веднаш дотрча со шише вода за да ѝ помогне на девојката, додека музичарите продолжија во позадина да свират.

Одеднаш пејачката им кажа на музичарите да престанат да свират, и покажа дека освен што е вистински професионалец кога станува збор за полнењето концертни сали и настапите, таа е и вистински човек, кој има срце од злато.

„Застанете, застанете. Па подобро е сега да не свириме“ – му порача Пријовиќ на својот бенд, а потоа ја праша девојката дали е добро.

Набрзо потоа, таа на микрофон ги замоли организаторите да ја извадат девојката надвор од салата на свеж воздух, а овој нејзин гест беше поздравен со громогласен аплауз од публиката.

Погледнете го видеото:

Б. С. Б. | Црнобело