Ја нарекуваат турската „Моника Белучи“, алергична е на ботокс – факти за актерката Нурѓул Јесилчај

Детали

недела, 07 април 2024

Ја глумеше Езо во „Бунтовничка“, Јасемин во „Љубов и казна“ и Ѓулсерен од „Парампарче“. Растела како принцеза и добивала сѐ што ќе посака. Што знаеме за турската „Моника Белучи“?

Нурѓул Јесилчај е една од најпопуларните и најплатените турски актерки. 

Турските медиуми пишуваа дека за некои серии добила и 20.000 евра хонорар, но тоа е оправдано, бидејќи сериите во кои глумела секогаш се најгледани.

Во својата кариера имала само главни улоги, од кои повеќето имаат за цел да ѝ пркосат на конзервативната средина. 

Нурѓул со леснотија ги игра сите улоги кои ги добива, а токму затоа за неа велат дека е „жена со илјада лица“.

Без двоумење снимила љубовна сцена со жена, но глумела и алкохоличар. 

Досега глумела во многу серии кои се емитувале кај нас, но публиката ја запамети по улогата на Езо во серијата „Бунтовничка“, Јасемин од серијата „Љубов и казна“ и Ѓулсерен од „Прампарче“.

Добитник е на многу награди, а омилена ѝ е наградата за најдобра актерка на 45-тиот филмски фестивал „Златен портокал“ во Анталија во 2008 година.

Турската Моника Белучи

Нурѓул Јесилчај е родена на 26 март 1976 година во Афјонкарахисар во централна Турција. 

Имала прекрасно детство и две постари сестри со кои, како што вели, е многу приврзана.

За турските медиуми има изјавено дека сестрите ја чувале и разгалувале како принцеза. Никогаш не морала да прави ништо низ дома, а добивала сѐ што ќе посака.

Во Истанбул се преселила откако дипломирала глума на Универзитетот „Ескишехир“. 

Веднаш по завршувањето на студиите почнала да го употребува уметничкото име Јесилчај, што означува зелен чај. 

Поради нејзината убавина често ја нарекуваат турска Моника Белучи.

Иако е во петтата деценија од животот изгледа минимум 10 години помладо.

Еднаш се обидела и да стави ботокс, но имала силна алергиска реакција и лицето ѝ било целосно отечено.

Целосно посветена на синот

Нурѓул во својата кариера, добила и понуди за работа на странскиот пазар, но ги одбила поради нејзиниот сопруг, 17 години постариот колега Џем Озер, со кој го имаат синот Осман Нејат. 

Тие се запознале во 2004 година за време на снимање на една серија, а се венчале неколку месеци подоцна. 

За неа тоа било прв, а за него четврти брак.

Сепак, нивната среќа не траела долго и се развеле по 6 години брак.

По разводот никогаш повторно не стапила во брак и целосно се посветила во воспитувањето на синот.

Во слободно време сака да слика и да патува со синот.

Повеќе нејзини фотографии на следната страница...