Swarovski ѓердан од 550 евра – Колку чини стајлингот на Цеца во спотот за дуетот со Жељко Јоксимовиќ?

Детали

вторник, 11 јуни 2024

Дури и кога се појавува во скромни аутфити, Цеца знае изгледот да го надополни со скапи дизаjнерски чанти и чевли, а за двата провокативни аутфити во новиот спот за дуетот со Жељко Јокисмовиќ пејачката потрошила повеќе од 2.500 евра. Чии креации носи Цеца и колку чинат?

Цеца и Жељко Јоксимовиќ се едни од најпознатите српски музичари, а публиката конечно имаше можност да го дочека нивниот дует „Више од среће“.

Спотот за песната беше објавен вчера (10.06), а речиси сите се согласни дека пејачката изгледа доста младо за своите години.

50-годишната фолк дива во спотот носи две креации од домашни српски дизајнери кои ѝ стојат одлично, а за стајлингот повторно издвоила неколку илјади евра.

Таа носи фустан од српската дизајнерка Ксенија Вујовиќ во боја на кожа, кој се продава по цена од околу 350 евра и комплет од дизајнерот Лазар Илиќ, кој исто така се продава по цена од 350 евра.

За црните чевли со високи потпетици, кои ги носи заедно со црниот проѕирен комплет, пејачката издвоила 945 евра, а целиот стајлинг го надополнила со луксузен накит.

Така таа носи ѓердан од Swarovski кој се продава по цена од 550 евра, додека за двете бразлетни на раката издвоила околу 430 евра.

Сѐ на сѐ, за својот беспрекорен стајлинг Цеца потрошила нешто повеќе од 2.600 евра.

Но, ова воопшто не треба да нѐ зачудува, затоа што е познато дека српската фолк дива речиси секогаш носи брендирана облека, а дури и тогаш кога ќе се појави во поскромни изданија, нив ги надополнува со скапи дизајнерски чанти или чевли.

Погледнете го спотот за песната:

Прочитајте и Лицата на познатите регионални пејачки кога се снимени одблиску и кога позираат за на Инстаграм

Б. С. Б. | Црнобело