„Тие не знаат што е љубов“ – 39 години помладата девојка на Лазар Ристовски ги сподели пораките за поддршка

Детали

среда, 31 јули 2024

„Ова не се дедо и внука, туку Лазар Ристовски со девојката“ – се шегуваат твитерџиите на сметка на српскиот актер и неговата партнерка. Таа, пак, на Инстаграм Стори ги објави пораките за поддршка што ги добила, додека со саканиот ужива на одмор во луксузен ресорт.

Српскиот актер Лазар Ристовски (71) ужива во љубовта со неговата 39 години помлада девојка Аница Лазиќ (32).

Парот оваа пролет беше на Малдиви, а сега на Инстаграм се пофалија дека заминале на летен одмор.

На Инстаграм Стори, актерот објави видео во кое плива во базенот во луксузниот ресорт каде што престојуваат.

Сцената во која актерот излегува од базен потсетува на Џејмс Бонд, а зад камерата е неговата сакана Аница.

Заради големата разлика во годините, Аница и Лазар честопати се мета на критики, но младата актерка покажа дека освен критиките, често добива и позитивни пораки од нејзини следбеници на Инстаграм.

Таа на Инстаграм Стори ги сподели најубавите пораки со кои нејзините следбеници ѝ дале поддршка и јавно им се заблагодари.

Проследете дел од нив:

„Преубави и многу силни, и ментално, и секако, поддршка за вас!“;

„Како некој кој е во брак со 42 години повозрасен маж, целосно те разбирам и ти праќам поддршка во секоја смисла, љубовта е љубов!“ – стои во една од пораките, на кои Аница одговори:

„Оваа порака посебно ме разнежи. Ви ја посакувам целата среќа“;

„Вистинските љубови зрачат, тоа го знаеме сите ние што ги живееме. Оние што не разбираат, за жал, не разбираат затоа што не ја почувствувале и не треба да ги обвинуваме. Вие останете инспирација, сè најдобро“ – стои во уште една од пораките.

Претходно, откако Аница објави фотки од одморот на Малдиви, и даде изјава за медиумите во која рече дека тие двајцата сакаат акција и брзо темпо, парот се најде на удар на твитерџиите, кои не штедеа на зборови и мемиња, па се потсмеваа на нивната разлика во годините.

Lazar Ristovski i njegova lepša polovina na Maldivima.
Ljubav pobeđuje sve😏 pic.twitter.com/Zf4raYGSY3

— Nikola Vujadinović (@vujadino2) May 29, 2024

Lazar Ristovski odveo unuku u igraonicu...
Poslije idu u ZOO vrt, pa na sokić i kolače... pic.twitter.com/fBFNoP1mGJ

— SINNY BOY (@SINNYBOY2) March 4, 2024

Ovo nisu djed i unuka,kako bi se reklo na prvi pogled. Ovo je glumac Lazar Ristovski sa svojom djevojkom 🙄 pic.twitter.com/jMVw8jy5qi

— Ðetić (@KonteZanovic) October 26, 2023

Прочитајте и Не била родена кога Лазар Ристовски (70) се оженил, но мајка ѝ не се противи на врската: Која е 39 години помладата девојка на актерот?

Б. С. Б. | Црнобело