Гласини за врска со Милан Мариќ, добила награда за женска храброст – Факти за ќерката на Драган Бјелогрлиќ, Миа

Детали

сабота, 14 септември 2024

Завршила политички науки, а денес е новинар, кој на само 26 години доби признание и награда за женска храброст. Често добива пофалби за својата убавина, а се „шушкаше“ дека успеала да го освои и Милан Мариќ – Што знаеме за ќерката на Драган Бјелогрлиќ, Миа?

Драган Бјелогрлиќ е еден од најпознатите актери кој зад себе има долга филмска и театарска кариера и речиси и да не постои покрупен филмски проект во кој тој нема вмешано прсти.

Но, на приватен план Драган е сопруг и татко, чиишто деца долго време беа вистинска енигма за јавноста.

Тој и неговата сопруга Маја, веќе долги години се во брак, а нивните две деца веќе се возрасни и изградени личности, за кои многу често се вели дека ја наследиле убавината на мајка им, но харизмата и талентот на татко им.

Миа и Алексеј Бјелогрлиќ долго време немаа официјални профили на социјалните мрежи, не споделуваа свои фотографии, и долго време се криеја од јавноста.

Алексеј тргна по стапките на татко му и веќе глумел во повеќе српски филмови и театарски претстави, а Миа, првично се чинеше дека има намера да тргне во друг правец и да се обиде да изгради кариера во друга област.

Миа (28) дипломира на Факултетот за политички науки на Универзитетот во Белград, каде ги заврши и мастер студиите.

Но, со текот на годините таа полека се приближи кон јавниот живот, но и кон филмот.

Денес, Миа е сопственичка на продукциската куќа Bella Ciao Production, таа е авторка на емисијата „Ona se budi“, а работи и како водителка на утринската програма на телевизијата N1.

Емисијата „Ona se budi“ е феминистички проект на Миа, која настанала како одговор на недостатокот на јавниот говор на темата за родова рамноправност, а ќерката на познатиот српски актер и режисер јавно застана во одбрана на припадничките на понежниот пол.

За оваа емисија, Миа во 2022-ра година ја доби и Наградата за женска храброст на Avon.

Миа ретко зборува за својот приватен живот и за себе. Секогаш се обидува да одржи професионален однос со медиумите и колегите, а вели дека сака да биде објективен, бескромпомисен, храбар и автентичен новинар.

Таа вели дека прашањето што најчесто ѝ го поставуваат е тоа, како се носи со „бремето“ заради тоа што е ќерка на познат татко.

„Толку пати го слушнав тоа прашање, што тоа само по себе ми стана бреме. Наидував на предрасуди и сѐ уште наидувам и тоа целосно го разбирам затоа што луѓето оправдано се фрустрирани со непотизмот и идиократијата.

Од друга страна, пак, не е праведно некого априори да го дикредитирате и да му го одземете правото на успех или можноста да поседува способности, таленти, сопствен карактер и почит.

Знам како ги работев работите во животот, тоа го знаат и луѓето во моето опкружување и тоа е доволно, оптоварувањето со мислењето на останатите би ме направило роб на туѓите предрасуди, а тоа не смеам да го дозволам“ – рече Миа во една пригода.

Продолжува на следната страница...