Синот на Драган Бјелогрлиќ, Алексеј, искрен за својот пат до славата: „Сѐ што сум постигнал е заради презимето“

Детали

недела, 23 април 2023

„Криво ми е што е така“ - Алексеј Бјелогрлиќ важи за еден од најнадежните млади српски актери, но во своите изјави не крие дека му е тешко тоа што израснал во сенка на неговиот мега-популарен татко, кој важи за еден од најпознатите актери на Балканот.

Познатиот српски актер и режисер Драган Бјелогрлиќ од бракот со сопругата Маја има две деца: ќерката Миа и синот Алексеј.

Алексеј (22) тргна по стапките на својот популарен татко, па откако заврши гимназија во Белград, се запиша на Академијата за драмски уметности.

Беше дете кога за првпат играше во филмот „Montevideo, Bog te video“, потоа играше во сериите „Žigosani u reketu“ и „Senke nad Balkanom“, а од 2021-ва година е најмладиот член што некогаш бил примен во Југословенскиот драмски театар.

Важи за мошне талентиран и успешен актер, но Алексеј ретко објавува приватни фотографии на социјалните мрежи, а уште поретко дава изјави за медиумите.

Новинарите честопати знаат да го прашаат за односот со Драган, а Алексеј во неколку наврати досега јавно признал дека не му е сеедно тоа што морал да расте и да се развива како актер во сенка на татко му, кој е еден од најпознатите актери на Балканот.

„Немам чувство дека сум нешто особено познат, а и кога се чувствувам дека сум познат, тоа не си го препишувам себеси, туку на своето презиме.

За жал, свесен сум дека е така и не сум премногу среќен заради тоа, но се носам со тоа, со гордост го носам моето презиме“ – рече младиот Алексеј во едно од ретките интервјуа.

Тој во друга прилика откри дека со татко му воопшто не разговараат за работата, а на прашањето зошто избегнува да дава изјави за медиумите и новинарите, Алексеј рече:

„Многу ја почитувам новинарската професија, но кога ќе направам нешто што е вредно и што е добро и што треба да ги интересира луѓето, апсолутно, тогаш ќе се обратам до сите медиуми.

Јас знам зошто на луѓето во моментов сум им интересен и нема поента да се експонирам. Кога ќе го направам тоа што треба да го направам, апсолутно ќе разговарам со сите“ – рече Алексеј.

Инаку Алексеј привлекува внимание затоа што многу ретко можат да го уловат како е излезен во јавност, а за својот интимен живот воопшто не зборува.

Честопати може да се видат негови фотографии на социјалните мрежи на кои најчесто е во друштво на колегите со кои соработува или игра во театар.

Погледнете уште неколку фотографии од Алексеј во продолжение:

 Б. С. Б. | Црнобело