Ѝ оставал цвеќе пред врата, ја уценувале да се разведе од него – Бурната љубовна приказна на Јелена Карлеуша и Душко Тошиќ

За време на нивниот брак постојано имаше гласини за афери од двете страни, но во 2019-та година одекна најголемиот скандал, кога босанскиот фудбалер Огњен Врањеш објави фотки на кои Карлеуша му позира гола.

Според таблоидите, Јелена го иневерувала Душко со 11 години помладиот фудбалер од неа, речиси 3 години, а таа пак даде изјава за медиумите во која откри дека тој бил нејзина „онлајн грешка“.

„Тоа беше мојата ’онлајн грешка‘, сите имаме по некоја таква, за која јас платив скапо, а која не ја криев од никого, па ниту од Душко.

Реков, се случи. Скапо платив за нешто што беше тажна авантуричка.

Тоа ми беше намерен испад за на некој начин да му се одмаздам на Душко, но на крај сè излезе од контрола.

Имав причини за тоа.

Душко беше како секој млад маж и фудбалер. До мене доаѓаа разни приказни и потоа имав потреба како и секоја жена да му се одмаздам.

Се фатив за црниот ѓавол, кој искористи еден видеоповик, ме фотографираше без мое знаење и дозвола и го испрати до сите медиуми“ – изјави неодамна Јелена.

Пејачката тврди дека Огњен ја уценувал да се разведе од Душко, па кога таа одбила, ги објавил фотките во медиумите.

Јелена рече дека сама е виновна за распаѓањето на бракот, затоа што таа му простила на Душко за неверствата, но тој не можел да премине преку медиумскиот срам кој со месеци се провлекуваше во регионот.

Јелена и Душко уште неколку години се трудеа да покажат дека се во одлични односи и дека не дозволиле гласините за афери да им го нарушат бракот, но во 2022-ра година, непосредно откако завршија со реновирањето на луксузната вила вредна 2,5 милиони евра, Јелена објави дека се разделиле.

Парот две години не можеше да постигне спогодбен развод, а во медиумите постојано се појавуваа натписи и прозивки.

Така пред неколку месеци, Душко се најде среде скандал кога Северина ги објави пораките со кои тој ѝ се додворувал, а само неколку недели подоцна Јелена го пријави за семејно насилство кога беше откриено дека ја кубел за коса додека таа била со пријател.

По разводот, познато е дека Јелена ќе ја задржи луксузната вила, додека становите во Белград ќе им припаднат на децата. Освен тоа, додека да наполнат 21 година, Душко ќе мора да ги подмирува сите трошоци за образованието на ќерките и да им плаќа за зимски и летни одмори.

Б. С. Б. | Црнобело