Лепа Лукиќ првпат се огласи по скандалот за наводната афера со Бака Прасе: „Сакав да ги тужам, но се извинија“

Детали

четврток, 14 ноември 2024

„Сѐ и сешто пројдов, само уште диви свињи ми фалат!“ – рече низ шега 84-годишната Лепа Лукиќ, кога новинарите ја прашаа за аферата со српскиот јутјубер Богдан Илиќ, попознат како Бака Прасе.

Српската пејачка Лепа Лукиќ пред извесен период се најде среде скандал кога Јелена Карлеуша за време на нејзиното гостување во поткастот на Бака Прасе рече дека од неа слушнала дека младиот јутјубер е одличен во кревет.

Оваа изјава на Јелена беше пренесена во сите српски и регионални медиуми, заради што Јелена и Бака Прасе мораа јавно да ѝ се извинат на 84-годишната пејачка.

Лепа се закани прво со тужби, а потоа рече дека се повлекува од судскиот процес, откако Јелена јавно се извини.

„Лепа, те молам, јас се шегував. Те сакам, те обожавам. Уште со тебе ми фали да одам на суд, само со тебе од пејачките не сум била на суд. Се шегував…

Таа ми се налути. Лепа, јас само реков дека си го видела Бака Прасе и дека си слушнала сешто за него.

Мислам дека таа нема поим што реков јас, туку дека новинарите ѝ пренеле некоја глупост. Ако погледне, ќе сфати за што се работи“ – ѝ порача Јелена на својата колешка за време на гостувањето во поткастот на Стефан Лазаров.

По ова и Бака Прасе јавно ѝ се извини на Лепа.

Таа синоќа присуствуваше на еден настан во Белград каде даваше изјава за медиумите, а очигледно е дека сѐ уште не може да им прости на Лепа и Бака Прасе за несолената шега.

Новинарите ја прашаа за аферата и за Јелена Карлеуша, на што таа кратко одговори:

„Ма оставете го Прасето, уште диви свињи ми фалат.

Сѐ и сешто поминав, само уште диви свињи ми фалат! Ми се извини будалата. Сакав да ја тужам, но, по тоа извинување одлучив да преминам преку сѐ.

Прасе демантира и јас сум согласна со него“ – рече Лепа и го напушти интервјуто.

Инаку, претходно Лепа беше видно вознемирена по изјавата на Јелена, па рече дека трпела и молчела за секакви афери додека била млада, но дека нема намера да молчи во 9-тата деценија од животот и по 60 години кариера.

Погледнете ја реакцијата на Лепа Лукиќ на прашањето за аферата (на 2:00):

Б. С. Б. | Црнобело