Солзи на концертот на Марија Шерифовиќ - испеа песна за Саша Поповиќ, синот првпат на нејзин настап

Детали

понеделник, 10 март 2025

Еден од најемотивните моменти на концертот во Белград бил кога Марија испеала песна од Оливер Драгојевиќ во чест на својот долгогодишен пријател и соработник Саша Поповиќ, кој почина на 1 март.

Балканската ѕвезда Марија Шерифовиќ викендов одржа два од петте концерти во „Сава центар“ во Белград, со кои ќе ја заврши својата регионална турнеја „Долази љубав“.

Турнејата, која е именувана по нејзиниот последен албум, Шерифовиќ ја завршува на истото место каде што ја почна - во Белград.

Како и на сите нејзини концерти низ регионот, така и овој беше одличен, но посебно емотивен за Марија.

Пејачката се разнежни кога кажа дека во публиката е нејзиниот син Марио и дека е првпат тој да ја гледа како пее на концерт.

Но, еден од најемотивните моменти на концертот беше кога Марија ја испеа песната „Ноктурно“ од Оливер Драгојевиќ и му ја посвети на својот долгогодишен пријател и соработник Саша Поповиќ, кој почина на 1 март.

Според српските медиуми, голем дел од луѓето во публиката не можеле да ги задржат солзите и се расплакале во тој момент.

Марија до крајот на турнејата има уште 3 концерти.

Таа одржа концерт и во Скопје во ноември 2024 година и тогаш кажа дека македонската публика ја оставила без текст, а дека тоа е најдобриот концерт од дотогашниот дел од турнејата.

Погледнете го видеото од песната што Марија му ја посвети на Саша Поповиќ:

 

Прочитајте и Марија Шерифовиќ го остави срцето во Скопје: „Ова вечерва не се опишува - ме оставивте без текст“

А. Ј. | Црнобело