Зошто пејачот Владо Георгиев не јаде веќе 9 дена?

Детали

четврток, 10 април 2025

По скандалот со апсењето поради возењето во алкохолизиранa состојба и со прекумерна брзина, Владо Георгиев (48), кој е татко на две ќерки и има 15 години помлада партнерка, одлучи да се изгладнува со цел да го ослободи своето тело од токсини. Поминал веќе 9 дена без храна, а своето искуство го споделува на мрежата „X“ (некогашен Твитер) ...

Пејачот Владо Георгиев одлучи колку што е можно повеќе денови да не внесе никаква храна во телото, за да го исчисти од токсини.

Владо пред девет дена напиша на социјалната мрежа „X“ (некогашен Твитер) дека ќе се обиде одреден период да се воздржи од храна. И дека ова не му е првпат да го прави тоа.

Владо Георгиев напиша:

„Повторно гладување и автофагија, без храна наредниот период, ќе видиме колку ќе издржам.

Се надевам што подолго, но и 100 часа се веќе голема работа за организмот“, напиша Георгиев, а потоа редовно известуваше до каде стигнал.

Инаку, автофагија е природен процес во телото при кој клетките ги разградуваат и отстрануваат оштетените или непотребни компоненти. Тоа е своевидно „чистење“ на организмот кое се активира најчесто при гладување (најмалку 12–16 часа без внес на калории).

Владо ова го прави малку подолго и поекстремно, инаку најпопуларен метод на овој режим е методот 16/8, во кој имате 16 часа без храна, па 8 часа во кои се јаде. На пример ако вечерата ви е во 20 часот, следен оброк треба дури во 12 часот напладне наредниот ден.

Придобивки од автофагијата се: ги отстранува токсините, го подобрува метаболизмот, помага во слабеење, го поддржува здравјето на клетките и долговечноста.

Иако автофагијата има многу здравствени придобивки, може да има и негативни страни, особено ако не се практикува правилно или премногу екстремно.

Негативни страни може да бидат: недостиг на енергија, замор, вртоглавица и пад на концентрацијата, нарушување на метаболизмот хормонален дисбаланс, главоболки, раздразливост, анксиозност итн.

Владо на мрежата „X“ се пофали дека влегол во 201-иот час без храна, а следната цел му е 216 часа.

Продолжува на следната страница...