Си личат во фризурата и брадите: Српскиот евровизиски претставник Принцот од Врање во прегратка со Кончита (видео)

Детали

понеделник, 12 мај 2025

Утре (13.05) ќе се одржи првата полуфинална вечер на Евровизија, а на тиркизниот тепих во Базел имаше средба и прегратка на Кончита и српскиот претставник, кои многумина ги споредуваат со изгледот.

Во неделата (11.05) се одржа свечениот настан познат како евровизискиот тиркизен тепих во Базел, Швајцарија.

Евровизискиот тиркизен тепих традиционално се одржува пред почетокот на Евровизија и служи како официјално отворање на фестивалот.

Тука сите претставници на земјите-учеснички парадираат пред медиумите и фановите и тоа е можност: да се претстават со своите модни избори, да дадат изјави, да се фотографираат и да се поврзат со останатите делегации и новинари.

Па, како меѓу другите, тука се случи и средбата помеѓу некогашната австриска евровизиска претставничка Кончита Вурст и српскиот претставник Стефан Здравковиќ - Принцот од Врање, која беше полна со емоции, насмевки и топли зборови, според видеото кое Принцот од Врање го прикачи на Инстаграм.

Интересно е што двете евровизиски ѕвезди ги споредуваат поради брадата и долгата коса.

Принцот од Врање вели дека е воодушевен од пробите и атмосферата во Базел, а на средбата со Кончита Вурст имаше и прегратка.

Кончита му даде совет за настапот:

„Не размислуваш во тој момент. Само излегуваш и пееш. Но, сепак, не носиш сè на своите плеќи и тоа го знам од искуство“.

Кончита потоа сподели:

„Ја обожавам Евровизија, обожавам што сум тука и што запознавам толку луѓе. Знаеш, максимално ја користам оваа привилегија како некој луд фан - сакам да ја запознаам оваа личност, онаа личност...“

Погледнете го целиот разговор (кликнете на видеото):

Инаку, Евровизија 2025 ќе се одржи во Базел, Швајцарија, во арената St. Jakobshalle.

Продолжува на следната страница...