Мистериозна смрт, кариерата му ја лансираше Јелена Карлеуша - Кој е српскиот фризер кој почина на 43 години?

Детали

вторник, 13 јануари 2026

Едни тврдат дека „закачил“ бактерија на патувањето во Занзибар, а тој брзо пред смртта ја обвини забарката дека му ставила метални колчиња за коронки, а тој бил алергичен на металот. Што знаеме за смртта на Матија Радуловиќ кој работеше со српската естрада? 

Матија Радуловиќ, кој беше познат како фризер на дел од српската естрада, почина на 43-годишна возраст, на Бадник.

Тој соработуваше со неколку ѕвезди, а често и со Карлеуша, за која се вели и дека „го открила“ и му ја лансирала кариерата во светот на познатите.

Телото на Радуловиќ го пронашол негов братучед, но кога дошла брзата помош, тие само констатирале смрт.

Неколку дена подоцна, тој беше погребан во родната Ќуприја, а на погребот присуствувале само неговите најблиски.

Причината за смртта на Матија е непозната, но неколку месеци пред да почине, тој преку социјалните мрежи се жалел дека има проблем со забите и велел дека забарката „го унаказила“.

На видеата што ги објави на ТикТок во ноември 2025, фризерот зборува за стоматолошките проблеми што ги имал.

Тој раскажа како проблемите започнале откако му ставиле метал и керамички коронки, но текот на времето состојбата почнала да му се влошува.

Подоцна се покажало дека е алергичен на металот од кој се направени коронките, а процесот на заздравување траел подолго отколку што очекувал.

По поставувањето на керамичките коронки, тој ги изгубил речиси сите природни заби, што дополнително влијаело на неговото здравје, рекол Матија во тоа време.

„Ми ги масакриравте забите и од нив не остана ништо. Ја знаевте целата ситуација, а сопственикот ве праша дали сте сигурни дека можете да го направите ова. Го направивте тоа и ме уништивте.

Секако дека ќе ве тужам и мојата изјава не може да се окарактеризира како лажна бидејќи ќе одиме во ординацијата на вештакот за да откриеме што се случило, и секакви работи се случија.

На крајот, го откачивте пациентот со СМС порака, срам да ви е. Ќе ги објавам сликите, иако се срамам, за да можат луѓето да видат дека немам веќе заби, нема ништо останато под ова“, вели Матија.

Тој кажал и дека ќе оди на суд само поради нивната дрскост.

„Прво ми се скрши долната вилица, потоа се скрши апаратот, а потоа два заба испаднаа од блокот со сите мои корени, само за забарката да каже дека тоа е поради притисокот од авионот.

Наместо да се јавиш и да го решиш проблемот, ми ги врати скршените заби, ги закрпи и ме пушти дома.

Благодарение на моите претходни лекари кои прифатија да ми помогнат, имам привремени заби, се надевам дека ќе можеме да стигнеме до керамика, но прво треба да се смирам бидејќи од 74 килограми паднав на 64 - имав нервен слом кога ги видов овие заби што ги закачив“ - вели тој.

Од ординацијата каде што бил лекуван покојниот фризер, по ова објавија дека тој не бил задоволен, но дека му ги вратиле парите.

За Матија се знае и дека бил на Занзибар неколку месеци пред да почине, па во јавноста се појавија и шпекулации дека таму „закачил“ бактерија и тоа е  причината за неговата смрт, но не е потврдено.

Направена е обдукција на телото на фризерот, која ќе ја покаже вистинската причина за смртта.

А. Ј. | Црнобело