Наташа Беквалац: „Наместо за скапа чанта, подобро да дадам пари за школарина за моето дете“

Детали

недела, 18 мај 2025

„За мене статусен симбол не е некоја материјална работа, туку животот што го живееш“, вели Наташа Беквалац и додава дека нејзин приоритет не се скапи работи, туку квалитетот на животот на нејзините деца и нивното образование.

Наташа Беквалац е позната по хитовите, но и како една од познатите личности во регионот што секогаш изгледа одлично.

Но, сега таа за српскиот магазин „N portal“ открива дека материјалните работи не ѝ се приоритет и дека внимава како располага со парите.

Вели дека на прво место не ѝ се скапи чанти, часовници и гардероба, туку квалитетот на животот на нејзините деца и нивното образование.

На оваа тема, таа вели:

„Ужасно ми е смешно кога некои работи се сметаат за статусен симбол, бидејќи за мене одамна статусен симбол не е некоја работа, туку животот што го живееш.

Мене не ми е потребна работа за да го докажам својот статус.

Никогаш не сте ме виделе со скап часовник или нешто слично. Секогаш погледнувам колку е час на телефонот.

Јас ја одвојувам формата од суштината и многу повеќе ми значи суштината.

Секако, постојат луѓе на кои тоа им е важно, и не ги осудувам, но јас не припаѓам таму. Брендовите не ми се приоритет.

Никогаш не сум потрошила цел хонорар на шопинг, затоа што секогаш сум имала поважни работи.

Кога за чанта треба да дадам неколку илјади евра, си велам: тоа ми е едногодишна школарина за моето дете. И како да го споредам тоа?

Јас сум поинаков тип.

Ние сме воспитани да бидеме чисти и уредни. Кога имаш самодоверба, и само маица и фармерки на тебе можат да изгледаат како милион долари.

И тогаш ме прашуваат што носам, а кога ќе им кажам дека тоа чини неколку илјади денари, остануваат во шок.

Не е важно што носиш, туку како се чувствуваш во себе. Кога си добро со себе, сè на тебе изгледа како милион долари“.

С. С. | Црнобело