Српската инфлуенсерка Зорана се сврши – го покажа блескавиот прстен од дечкото кој го запозна на апликација за состаноци

Детали

петок, 30 мај 2025

Зорана откри дека се запознале на апликација за состаноци и дека тој морал да плати за да почнат разговор, а 4 дена подоцна, таа веќе била кај него во Охајо – една од првите и најпознати српски инфлуенсерки, сега го покажа голeмиот свршенички прстен кој блеска покрај Rolex-от на нејзиниот партнер кој е познат фудбалер.

Една од првите модни блогерки и најпопуларни српски инфлуенсерки, Зорана Јовановиќ, позната само како Zorannah, се сврши со својот сакан.

Таа две години е во врска со фудбалерот Елој Рум, кој живее во Охајо, а го запознала преку апликација за состаноци, за што беше мета на критики.

„Кога ме видел на апликацијата, не чекал да го прифатам, туку морал да плати околу 5 долари за да може да ми пише, а се сеќавам дека бев во парк со другарка кога ми стигна пораката од него. 4 дена подоцна веќе бев во Охајо“ - разјасни таа во една прилика во одговор на прашање од следбениците. 

Сепак, Србинката постојано се обидува да покаже колку е нивната љубов голема, не се двои од него и споделува моменти од нивното заедничко живеење и патувања низ светот.

Сега таа на својот Инстаграм профил, објави фотографија со него и со огромен свршенички прстен на својата рака и напиша „Свршеник“.

На следната фотографија, во фокус се нивните раце – на нејзината рака блеска свршеничкиот прстен, а на неговата рака се забележува Rolex часовникот.

Инаку, Елој живееше во Охајо до 2023-та, додека играше за клубот Columbus Crew, а моментално заедно со Зорана живеат во Белгија. 

Роден е во Холандија, но има потекло од Карибите.

Фудбалерот зад себе има друг брак, од кој ја добил 5-годишната ќеркичка, со која повремено објавува фотографии на Инстаграм.

Повеќе фотки од парот:

М. М. | Црнобело