Актерка забремени со најдобриот другар на сопругот, ријалити ѕвезда ги гаѓаше со јајца соседите - Естрадните скандали во Србија

Детали

недела, 15 јуни 2025

Кога во некој скандал ќе биде вклучена јавна личност, а медиумите ќе почнат да пишуваат за тоа - скандалот останува „забележан“ засекогаш. А во Србија, естрадни скандали има многу - ова се само дел од нив. 

Актерката Слобода Миќаловиќ неодамна беше нападната на улица, на паркинг во Белград. Ова е само еден од големите естрадни скандали за кои се пишуваше во српските медиуми и се прераскажуваше во јавноста.

Кои други естрадни скандали се паметат и денес?

Марко Миљковиќ ги гаѓаше со јајца соседите

Поранешната ријалити ѕвезда и јутјубер, Марко Миљковиќ, (сопруг на Луна Џогани), минатата година беше приведен поради расправија со соседите.

Миљковиќ го обвини својот сосед дека „фрлил помија на неговата тераса“, па тој самиот почнал да ја гаѓа со јајца неговата тераса, поради што бил приведен во полициска станица.

Марко фрлил две табли јајца, односно 60 парчиња на терасата на соседот.

При приведувањето, Марко ги навредувал полицајците и пробал да нападне еден од нив, поради што поминал 48 часа во притвор.

Тој претходно бил однесен во Ургентниот центар во Белград, а потоа и во психијатриската болница „Лаза Лазаревиќ“.

Душко Тошиќ ја нападнал Јелена Карлеуша во вилата на Дедиње

Медиумите во Србија пишуваа за инцидентот кој се случил во семејната куќа на Душко Тошиќ на Дедиње, откако Јелена Карлеуша го пријави својот тогашен сопруг за физички напад врз неа и нејзина пријател.

Поради ова, морала да реагира и полицијата.

Според сведочењето на соседите, Душко пцуел, Јелена низ солзи му велела да ги остави на мира и да излезе надвор.

По некое време во вилата дошла патролна полиција и останале во куќата подолго време.

Според медиумите, Јелена плачела, се тресела од шок, а пријателот кој бил со неа, бил збунет, но си заминал без инцидент.

Душко, пак, по овој скандал, тврдеше дека не допрел никого.

Слобода Миќаловиќ нападната среде улица

Кон крајот на ноември 2024, актерката Слобода Миќаловиќ беше нападната среде улица од непозната жена.

Глумицата се јавила во полиција и изјавила дека била физички нападната, а кога полициската патрола дошла на местото на настанот, било утврдено дека конфликтот почнал на паркингот, додека Слобода паркирала

Жената, наводно ја прашала актерката зошто ја удрила со автомобил, а Слобода го негирала тоа. По ова почнал конфликт, а жената ја фатила Слобода за коса и ја извлекла од возилото.

На местото на настанот пристигнала и брза помош бидејќи Слобода се пожалила на болки во пределот на главата, а била префрлена и во ургентниот центар.

Слобода сега бара правда на суд и бара максимална казна за жената за претрпен страв, нарушување на јавниот ред и мир, нарушување на угледот и физички напад, а сумата што ја бара од неа се 500.000 динари.

Сергеј Трифуновиќ ја пријави сопругата за семејно насилство

Кон крајот на октомври 2024, актерот Сергеј Трифуновиќ ја пријави својата сопруга Исидора Мијановиќ за семејно насилство.

Тие беа повикани во полициската станица и сослушани, а обвинителот изјавил дека нема елементи на кривично дело.

Но, било утврдено дека Исидора во тој период нелегално престојувала во Србија, бидејќи е државјанка на Хрватска, па против неа беше поднесена прекршочна пријава врз основа на Законот за странци.

Таа беше осудена на парична казна до 50.000 динари за нелегален престој во земјата.

Во меѓувреме, парот ги реши проблемите и сега пак живеат заедно.

Анѓелка Прпиќ доби дете со најдобриот другар на сопругот

Кон крајот на 2022 година, актерката Анѓелка Прпиќ остана бремена со своето второ дете, а таткото на бебето е Марко Жугиќ, најдобриот другар на нејзиниот поранешен сопруг.

Анѓелка и Марко со месеци криеле дека се во врска и дека ќе станат родители.

Тие се венчаа тајно во 2023 година.

А. Ј. | Црнобело