Марија Шерифовиќ на одмор со синот – носат исти шорцеви на плажа, јаде домашна компир манџа

Детали

среда, 23 јули 2025

„Какво море и луксуз без компир манџа“ – напиша Марија на фотографијата од традиционалниот српски ручек кој го зготвила (таа или мајка ѝ) за време на летувањето, а сподели и дека носат исти шорцеви за капење со синот Марио. Пејачката ужива на долг летен одмор.

По низа концерти во Белград и регионот, но и веста дека ја напушта улогата како жири во „Ѕвездите на Гранд“, Марија Шерифовиќ замина на летен одмор.

Таа не крие дека ѝ годи одморот по напорниот период, а веќе 10-тина дена повремено објавува фотки на Инстаграм.

Дестинацијата, како и секогаш, не е позната, освен дека е веројатно некаде во Шпанија, но споделува со фановите како си поминува, како ужива, па и како се храни.

И додека многумина би очекувале само морски специјалитети и луксузни јадења, таа сподели и традиционална трпеза во дворот на сместувањето, со компир манџа и леб.

„Ма какво море и луксуз без компир манџа“ – напиша таа во описот на фотографијата.

На одморот ја придружува нејзината мајка Верица, а накратко ја посети и нејзиниот полубрат Данијел Павловиќ, кој објави видео како шета со неа.

@danijelpavlovicmusic

SVJESNI NISTE STA VAS CEKA 😂🩷 @Marija Serifovic #danijelpavlovic #marijaserifovic #tridana #bratisestrasvakako #fyp

♬ The Benny Hill Show - The Edwin Davids Jazz Band

Последно, пејачката објави фотографија од себе покрај море, но и заедно со синот, како се држат за рака и носат исти шорцеви за капење.  

„Кога се роди, знаев стопати дневно да изговорам – Мали мој, каде ќе одиме сега јас и ти? Каде понатаму?

И како поминуваат деновите, ми станува појасно...

Овие мали, несигурни, но наши чекори – се поважни и поголеми од сите патишта кои досега сум ги одела. Мојот компас“ – напиша таа во описот на фотката со Марио.

М. М. | Црнобело