Почина Халид Бешлиќ (71), легендата на босанската севдалинка

Детали

вторник, 07 октомври 2025

По долго боледување, утрово во Сараево почина Халид Бешлиќ, легендата на народната музика и босанските севдалинки.

Во последните месеци Башлиќ (71) се бореше со сериозни здравствени проблеми, а според некои медиуми, тој бил сместен на одделот за онкологија во Клиничкиот центар на Универзитетот во Сараево.

Роден е на 20 ноември 1953 година во селото Кнежина, и за многумина Бешлиќ беше повеќе од пејач - тој беше гласот на Босна и Херцеговина, извор и на меланхолија и на надеж.

Ја започна својата кариера кон крајот на 70-тите години, и од неговите песни ќе се паметат Vraćam se majci u Bosnu, Prvi poljubac и Miljackа, кои станаа химни на љубовта, тагата и домот.

Неодамна беше објавено дека освен Бешлиќ, и неговата сопруга Сејда е во болница и дека е сериозно болна.

Парот има еден син.

Во продолжение дел од неговите најпопуларни песни:

А. Ј. | Црнобело