Почина таткото на Марија Шерифовиќ: „Мојата омилена бараба... Направи многу проблеми, сè му простив“

Детали

понеделник, 10 ноември 2025

„Мојот татко. Мојата омилена бараба. Знам дека Господ сака такви и дека те чека во рајската градина“ – напиша Марија и се збогуваше од својот татко, за кого во една прилика кажа: „Сè му простив“.

Рајко Шерифовиќ, музичар од Крагуевац и татко на легендарната Марија Шерифовиќ, денес почина по тешко боледување.

На социјалните мрежи, пејачката сподели негова фотографија и напишa:

„Мојот татко.
Мојата омилена бараба.
Знам дека Господ сака такви како тебе и дека те чека во рајската градина.
Чувај нè таму каде што си сега.
Твојот шампион“.

Рајко и мајката на Марија, Верица, се разведени од 2003 година, а потоа тој се преженил и од вториот брак го добил и синот Данијел Павловиќ.

Нејзините родители имале многу проблеми и несогласувања, а иако долг период и Марија немала добар однос со него, пред неколку години, во една прилика пејачката откри дека добро функционира со татко ѝ.

„Направи Рајко многу проблеми во животот, но јас него сè му простив, прво затоа што ми е татко, второ, затоа што родителите не можеме да ги бираме, поготово што и не сакам да ги менувам“ – изјави таа во емисија.

Тој последен пат се појави во јавност пред околу 6 месеци, на еден од нејзините концерти во Белград, а пејачката беше горда што тој ѝ бил поддршка таму, заедно со нејзината мајка. 

Прочитајте и „Сопругот сакал да ѝ ја одземе Марија, му ги плаќала коцкарските долгови“ – Тажната приказна на Верица Шерифовиќ

М. М. | Црнобело