Дара Бубамара со гаф во „Ѕвездите на Гранд“: „Ми личиш на Северина“ - ѝ рече на бившата снаа на Кеба (видео)

Детали

понеделник, 13 октомври 2025

Видеото од непријатната ситуација со Дара Бубамара е хит на Инстаграм: „Мене ми беше одлична, ама мора да ти кажам дека многу ми личиш на бившата снаа на Кеба, на Северина“. Но, пред Дара да каже „Северина“, Софија ја прекинува и вели: „И јас сум исто бивша снајка“. 

Едно од најпопуларните музички шоуа во регионот, „Ѕвездите на Гранд“ веќе почна со новата сезона и новото жири, во кое од годинава седи и Дара Бубамара, а како постојан член на жирито е и Драган Којиќ Кеба.

И токму најголемиот гаф во последната емисија која се прикажуваше на 11 октомври е поврзан со нив двајца.

Меѓу кандидатите во првиот круг се појави и Софија Дачиќ, која неколку месеци беше во брак со Игор Којиќ, а од кого се разведе неодамна.

Додека таа пееше, жирито не можеше да ја види, но откако се спуштија параваните пред нив, тие го коментираа нејзиниот настап, но и изгледот.

Па, кога дојде ред на Дара Бубамара, таа ѝ рече:

„Мене ми беше одлична, ама мора да ти кажам дека многу ми личиш на бившата снаа на Кеба, на Северина“.

Но, пред Дара да каже „Северина“, Софија ја прекинува и вели: „Таа сум“, па се дополнува: „И јас сум исто бивша снајка“.

Во позадина се слуша гласот на Цеца која вели дека Игор и Софија се разведени, а Дара збунета прашува: „Молам? Јас мислев на Северина. Па како?“.

„Таа ми беше прва снаа“, ѝ објаснува Кеба на Дара.

„Прва? А има и втора?“, упорна е Дара.

„Јас сум втората“, вели Софија.

„Леле Господе, каква случајност, извинете. Јас сакав да кажам дека личи на Северина...“, почна да се правда Дара. 

„Каде баш тоа?“, вели Софија, на која ѝ е непријатно.

Кликнете и погледнете го целото видео:

Инаку, Софија доби „да“ од својот поранешен свекор, кој сметаше дека таа треба да оди понатаму.

Кликнете за да погледнете дел од нејзиниот настап:

А. Ј. | Црнобело