Еден израсна во згоден фраер, друг призна дека е геј - Каде се денес популарните момчиња од „Пинкови ѕвездички“?

Љуба Станковиќ

Љуба Станковиќ победи во четвртата сезона на „Пинкови ѕвездички“. Во тоа време имаше само 6 години.

Неговите емотивни настапи го воодушевуваа жирито, а не ги остави рамнодушни ни регионалните музички ѕвезди, па по завршувањето на шоуто тој сними дует со Северина.

Денес Љуба има 13 години, посветен е на училишните обврски и снима нови песни.

Неговите родители, пак, одамна рекле дека тој од мал точно знаел што сака во животот, а тоа е да се занимава со музика и да биде познат пејач.

Повремено настапува во странство и го очекува објавувањето на својот прв албум.

Давид Радосављевиќ

Давид пееше во првата сезона на популарното музичко натпреварување во 2014 година, а еден од неговите највпечатливи настапи беше кога ја испеа песната Eh da je tuga snijeg од Дино Мерлин.

По завршувањето на шоуто, тој дури и настапи со Мерлин на еден од неговите концерти, а потоа кажа дека тоа бил еден од најубавите моменти во неговата дотогашна кариера.

Давид денес има 21 година, а со неговата пријателка од „Пинкови ѕвездички“, Бојана Радосављевиќ, ја основа групата „Дуо Бојана x Давид“.

Има голема желба да пее на „Евровизија“, па со Бојана двапати настапија на српскиот избор за Евросонг.

Тој е многу посветен и на вежбањето и вели дека тоа му е голема страст но и добар начин да се смири кога има проблеми.

Сергеј Пајиќ

Родителите на Сергеј го откриле неговиот талент за музика многу рано, па го запишале во нижо музичко училиште.

Својот прв јавен настап го имал на десетгодишна возраст, а првпат се пријавил на „Пинкови ѕвездички“ во 2015-та година, но не бил избран меѓу уќесниците на шоуто.

Сепак, организаторите го поканиле да учествува во третата сезона на ова натпреварување, каде што го освои седмото место.

Поради ова имаше можност да учествува во сезоната наречена All Stars, која ги собра 36-те најдобри натпреварувачи од претходните сезони и во специјалното издание заврши како победник. 

Тој има најмногу објавени песни досега од сите учесници и многу сериозно се занимава со својата кариера, а неговиот дует со пејачката Едита Арадиновиќ, Rio Rio е евистински хит.

Две години беше во врска со тиктокерката Уки Кју, и беа еден од најпопуларните парови меѓу помладата генерација.

Раскинаа во 2021-ва, а нивното раскинување беше изненадување за сите, па нивните бројни обожаватели беа многу разочарани.

Обожава тетоважи и веќе има неколку на своето тело.

А. Ј. | Црнобело