Незгода среде магична сцена во Солун: Небесен фенер со огинче слета на новогодишната елка (видео)

Детали

четврток, 25 декември 2025

„Сè изгледаше совршено до еден миг...“, видео од профилот на Nikana.gr прикажува магичен миг oд Солун кој заврши со ризик за сите присутни.

Традиционално во Грција на 24 декември се пуштаат небесни фенери како празничен обичај за католичкиот Бадник и Божиќ.

Ова се прави симболично со желби за надеж и нов почеток, а понекогаш се прави и во спомен на некого што сме го изгубиле, па фенерот како молитва оди кон небото.

Инаку, фенерот има мало пламенче внатре кое го загрева воздухот, па затоа лета нагоре, но дали е безбедно?

Не баш, а тоа го покажува и ситуацијата од Солун, каде ваков небесен фенер слета на новогодишната елка.

Затоа овие фенери понекогаш се забранети во одредени општини поради ризик од пожари и најчесто се пуштаат покрај море или на организирани настани.

Засега, во грчките медиуми нема информации дали настанала поголема штета со елката, па се надеваме дека ситуацијата добро завршила.

Погледнете го видеото од Инстаграм профилот на Nikana.gr (кликнете на него):

Прочитајте и За многу години“: Светна елката на плоштадот во Солун – има 10.000 светилки, илјадници луѓе се забавуваа (видео)

С. С. | Црнобело