Милена Радуловиќ пред смртта на професорот кој ја злоставувал, Мика Алексиќ: „Имав страв дека татко ми ќе го убие“

Детали

среда, 21 јануари 2026

„Најпоразително е што ќе дозволат еден педофил да умре неосуден“, зборуваше актерката Милена Радуловиќ кога судењето за злоставување на Алексиќ се одложуваше поради неговата здравствена состојба, и така и се случи.

Актерката Милена Радуловиќ, која прва го пријави режисерот и професор по глума Мирослав Мика Алексиќ за сексуално злоставување, неодамна, гостувајќи во еден подкаст, се осврна на одложувањето на судењето и заклучи дека тој ќе умре неосуден и така и се случи.

Мика Алексиќ (73) почина во неделата по долго боледување oд рак на дебелото црево, со што судската постапка што се водеше против него пред судот во Белград беше прекината.

Во 2021 година, за силување и сексуално злоставување го пријавија актерките Милена Радуловиќ, Ива Илинчиќ и уште пет девојки, негови поранешни ученички.

По смртта на Алексиќ, Милена не се огласуваше, но неговата здравствена состојба во времето кога таа зборуваше за ова беше многу лоша.

Прочитајте и „Ме бакна, па пенетрираше со прстите во мене“ – Детали од сведочењето на Милена Радуловиќ против професорот за кого тврди дека ја силувал

Радуловиќ детално зборуваше за целиот случај и на прашањето „Што значи одложувањето на судењето“, бидејќи во тој момент судењето беше одложено поради лошата здравствена состојба на Алексиќ, Милена изјави:

„Тоа значи одложување додека обвинетиот не умре неосуден.

Најстрашно е што тие и понатаму, од самиот почеток, нè гледаат како некакви актерки – жени, па има коментари, толкава омраза и неемпатија: „Што чекала, што облекла, дали сакала да биде популарна, успешна, не била никој пред тоа“…

Тука се занемарува една сериозна работа која е најпоразителна во овој случај, а тоа е дека тие ќе дозволат еден педофил да умре неосуден.

Тоа општеството мора да го сфати. Ова е еден хорор-филм со мелодија во позадина“.

Продолжува на следната страница...