Словенец ги земал сопругата и новороденчето од болница со лимузина: „Каков џентлмен - јас ни цвеќе не добив“

Детали

петок, 30 јануари 2026

И додека во Македонија сигурно би „плукале“ по него што отишол со лимузина и букет, Словенците имаат само пофални коментари: „Браво, јас од мојот маж ништо не добив / Каков господин... / Браво за таткото, честитки за семејството“.

Маж од Словенија одлучил да ги земе својата сопруга и новороденото бебе од болница на уникатен начин, за да се чувствуваат посебно.

Од болницата за гинекологија и породување во Крањ, Словенија, објавија фотки од мајка која заминува со своето новородено дете, а сопругот ги пречека со лимузина и букет цвеќе, па веста вирално се прошири и по медиумите низ регионот. 

Тие беа фотографирани додека излегуваат од болница, мајката со букетот во рака, а таткото со новороденчето во корпа, па потоа заедно позираат пред лимузината.

„Моќта на жената и раѓањето на дете се повеќе од величествени. Воодушевени сме што сопругот на г-ѓа Марина го одвезе своето семејство дома“ – стои во описот на објавата.

И иако доколку ова беше кај нас, во коментари ќе преовладуваа критики и прашања зошто имало потреба од лимузината, менталитетот на Словенците е очигледно многу поразличен.

Тие го фалат мажот, кој првенствено ѝ подарил букет цвеќе на сопругата, а потоа и одлучил да ги однесе дома со лимузина.

„Јас родив близнаци, а тој не ми ни честиташе, одлична работа направил овој сопруг и татко“.

„Вакви кавалери има многу малку“.

„Честитки на двајцата. Посебно на таткото што ги одвел дома на убав начин“.

„Браво, тоа се вика сопруг и татко“.

„Респект за тоа што таткото дошол со букет цвеќе и гордо си го носи бебето. Честитки на семејството!“

„Колку е прекрасно ова!“

Сепак, помеѓу многуте пофалби, има и неколку такви кои сепак сметаат дека е непотребно фалење.

„Сè е убаво и правилно, но мислам дека за љубов и внимание не е потребно толку помпа. Ако ме сака и е среќен и горд, не ми е гајле со што ќе дојде по нас“.

„Сериозно? Што е толку необично? Нели секој татко треба да дојде и да си ги земе сопругата и детето од болница?“

M. M. | Црнобело