Тања Савиќ со дечкото грицка пуканки на концерт, фановите критикуваат: „Можела и сендвич да си земе“ (видео)

Детали

понеделник, 30 март 2026

„Можела и сендвич да си понесе“, „Пуканки се јадат во кино на филм...“, „Баш некултурно“ - гласат дел од коментарите, откако се прошири видео на кое свршеникот на Тања Савиќ купува пуканки за на концерт, а потоа таа грицка од публика, додека го следи настапот на колешката Сузана. 

Пејачката Снежана Ѓуришиќ одржа два концерти во Белград, а првата вечер специјална гостинка ѝ беше Тања Савиќ, која на сцената се појави во елегантна бела тоалета и отпеа неколку хитови.

Втората вечер пак, Тања ја поддржа својата колешка од публика, а на концертот пристигна заедно со својот свршеник Мухамед Муки Бешиќ.

Српските медиуми веднаш го уловија парот, кој доцнеше повеќе од еден час, а она што ги изненади сите беше кога видоа како нејзиниот партнер се одвојува од неа и си купува пуканки пред да влезат во салата.

За вториот концерт кој го следеше како гостинка, Тања се одлучила за полежерен аутфит, фармерки со црвена блуза, искомбинирана со сако и бели патики.

фото: принтскрин YouTube

Подоцна двајцата беа забележани во ложа во публика, како грицкаат пуканки за време на концертот, па се соочија со критики и смешни коментари на социјалните мрежи.

„Можела и сендвич да си понесе“, „Пуканки се јадат во кино на филм...“, „Баш некултурно“ - гласат дел од коментарите, но има и такви кои ја оправдуваат и велат дека нема ништо страшно во тоа што јаде пуканки на концерт. 

Погледнете го видеото:

М. М. | Црнобело