Страшни сведоштва по пукањето во средно училиште во Турција: „Легнавме на земја, некои скокаа од прозорец“

Детали

вторник, 14 април 2026

Денес, во средно училиште во југоисточниот дел на Турција имаше вооружен напад од страна на поранешен ученик. Напаѓачот извршил самоубиство откако полицијата го опколила, но претходно ранил дури 16 лица. Мотивот уште се истражува, а инцидентот е огромен шок за јавноста особено бидејќи ваквите настани се реткост во Турција.

Денес (14.04) во југоисточниот дел на Турција 19-годишен дечко почнал да стрела во неговото поранешно училиште со пушка, при што повредил најмалку 16 лица.

Бруталниот напад се случил во средното стручно училиште Ahmet Koyncu во Сиверек.

Гувернерот Хаса Силдак веднаш излезе со детали за нападот, откривајќи дека била повикана специјална единица, како и дека 19-годишниот напаѓач си го одзел животот.

„Си го одзеде животот кога беше опколен од полицијата. Го евакуиравме училиштето и ќе спроведеме темелна истрага за овој трагичен инцидент“, сподели гувернерот.

Според него, напаѓачот бил поранешен ученик во училиштето каде што поминал една година. Истовремено, тој немал никако криминално досие.

На снимките од турските телевизии се гледаат полициски и амбулантни возила пред училиштето, а има и потресни инсерти од безбедносните камери на кои се гледа ако напаѓачот влегува внатре, а учениците почнуват да бегаат.

Повредните ученици и наставници веднаш биле однесени во болница, додека за петмина се верува дека се во покритична состојба.

За турската телевизија TRT се огласи еден од преживеаните ученици кој открива дека напаѓачот влегол во најмалку две училници.

„Прво легнавме на земјата, потоа двајца соученици скокнаа од прозорецот. Не ни рече ништо, само влезе и почна да пука“.

Друг сведок за турски медиум вели дека напаѓачот почнала со стрелање веднаш штом влегол во школскиот двор, а трет открива дека продолжил со пукањето и кога влегол внатре.

„Како што влезе во дворот, почна да стрела со пушката што ја носеше. Прво стрелаше лево и десно, па кон училиштето.

Потоа истрча внатре и пукаше кон секој што ќе застанеше пред него. Учениците врескаа, сите бегаа“.

Од Министерството за внатрешни работи на Турција споделија дека го знаат идентитетот на напаѓачот.

„Утрово во техничкото училиште Ahmet Koyuncu лоцирано во Сиверек, имаше напад со огнено оружје извршен од О.К. идентификуван како поранешен ученик во училиштето кој е роден во 2007 година.

Според првичната истрага, 10 ученици, 4 наставници 1 полицаец и 1 вработен во училишната кафетерија се повредени, а повредените се однесени во болница.

Лицето кое го изврши нападот со пушка изврши самоубиство со истото оружје по инцидентот“.

Истрагата за инцидентот уште трае, а според некои извори, напаѓачот почнал да се расправа со ученик, заминал, па се вратил со оружје. Сепак, ова не е официјално потврдено.

Мотивот уште е нејасен и претставува огромен шок за јавноста, особено бидејќи ваквите инциденти во Турција се ретка појава.

Спирова С. | Црнобело