Харис Џиновиќ за свадбата на бившата Мелина: „Што сака нека прави, да не бев јас, ништо од тоа немаше да биде гламурозно“

Детали

понеделник, 20 април 2026

„Не ме интересираат случувања поврзани со неа. Одамна јас, откако се разидовме, се свртев кон својот живот. Може да се омажи, да се убие, што и да сака...“ - вели брутално Харис Џиновиќ за српските медиуми по свадбата во Монако на бившата. 

Викендов, поранешната сопруга на Харис Џиновиќ, Мелина, се омажи за британски милионер, кој е 22 години постар од неа.

Парот го кажа судбоносното ДА во Монако, каде гостите пристигаа со јахти, а потоа со хеликоптери заминаа во Портофино за главната свадбена прослава.

Додека Мелина е во фокус на медиумите со својата луксузна свадба, српските медиуми го побараа Харис Џиновиќ да даде свое мислење за потегот на поранешната сопруга со која има две деца.

Ќерката Џина застана на страната на мајка ѝ уште веднаш по разводот, па беше во Монако за свадбата, додека пак синот Кан, не ја поддржува и повеќе е со својот татко.

Како и претходно, Харис повторно во свој стил, по малку дрско, за српски Telegraf изјави:

„Ништо не следев, ниту пак што било ме интересира. Немам никакви желби ниту пораки поврзани за неа, таа едноставно не постои за мене и тоа е крај.

Што треба јас да коментирам за некој што е ништо. Не ме интересира што се пишува, ниту ме интересираат случувања поврзани со неа.

Одамна јас, откако се разидовме, се свртев кон својот живот, кон своето дете, така што немам ништо со тоа. Може да се омажи, да се убие, што и да сака... што ме интересира мене.

Јас одамна продолжив понатаму, какви разводи, какви венчавки. Да не сум јас Харис Џиновиќ ништо не би било гламурозно од сето тоа“.

Пејачот периодов е свртен кон своето семејство и настапите, а слободното време пробува да го помине во спортско-рекреативни активности.

М. М. | Црнобело