Двапати преживеа клиничка смрт, син ѝ прегази 3 жени - Трагичната животна приказна на Ханка Палдум

Но, пејачката се вљуби и вторпат, овој пат во Фуад Хамзиќ, па се омажи и за него.

Овој брак траеше седум години, а иницијатор за разводот повторно била пејачката.

Таа изјави дека сфатила дека нејзиниот сопруг „не ѝ покажува почит, ниту е лојален“.

Ханка имаше уште една голема љубов, белградскиот фудбалски тренер Миладин Живадиновиќ, кој ја придружуваше на концерти.

На едно нивно патување во Кувајт, тој ја побарал за сопруга, но таа одбила да се омажи за него, па тоа е причината за нивната разделба.

Трагедиите во животот на пејачката се поврзани во голема мера и со нејзиниот син.

Во 2005 година, Мирзад беше претепан во Сараево. Неколку години подоцна, тој беше застрелан, но преживеа.

Мирзад повторно се најде во центарот на вниманието во 2014 година кога беше уапсен за носење пиштол и поседување хероин.

Како мајка, Ханка му ги прости грешките на својот син, оправдувајќи го со тоа дека е дел од „генерацијата врз која војната остави силни последици“.

Но, дури кога во сообраќајна несреќа во Германија, Мирзад удрил во пешак, Ханка наводно одлучила да го избрка од дома и да престане да му помага за конечно да се освести.

Во тоа време се шпекулираше дека таа платила отштета на семејството на жртвата, а дека го однела својот син „на безбедно“.

Но, со Мирзад повторно имаше проблеми, кога тој со автомобил „покосил“ 3 жени што стоеле на автобуска станица. Две од нив биле тешко повредени, а во моментот на несреќата тој наводно бил под дејство на нелегални супстанции.

Мирзад беше уапсен и во Неум во 2021 година за злоставување девојка (26) и принудување на интимни односи.

Последниот во низата инциденти во кои се споменува тој е во 2025 година, кога учествуваше во инцидент во Казнено-поправниот дом Зеница.

Во бруталната тепачка, еден затворски полицаец и друг затвореник биле повредени, а Мирзад, според изворите на медиумите, физички го нападнал затвореникот.

Сепак, Ханка сè уште го брани својот син, тврдејќи дека многумина се неправедни кон него само затоа што неговата мајка е јавна личност.

А. Ј. | Црнобело