Дали се сеќавате: Пред Боба, Брена љубеше политичар - му посвети песна, сакала да основаат семејство

Детали

сабота, 23 мај 2026

„Додека бевме заедно, таа често ми велеше: 'Мирко, мојата најголема желба е да основам свое семејство. Постојано ме прогонува мислата дека славата еден ден ќе помине, а јас ќе останам сама...',“, раскажал своевремено поранешниот дечко на Брена за нивната љубов.

Балканската дива Лепа Брена од 1991 година е во брак со поранешниот тенисер Боба Живојиновиќ.

Парот живее во складен брак, имаат две деца и постојано си се поддржуваат еден со друг во однос на кариерата.

И како што Боба беше во брак пред да се ожени со Брена, така и пејачката зад себе има една голема љубов, која е заборавена од многумина.

На почетокот на 1980-тите, во време на најголемата популарност, таа беше во врска со Мирко Крлиќ.

Овој новинар и диџеј, своевремено се бавеше и со политика и беше пратеник во собранието, но и претседател на Одборот за култура и информирање.

Нивната љубов беше толку голема, што Брена испеа и песна која му ја посвети - „Мики мој“.

Многумина веруваа и дека ќе стапат во брак, а и Брена сакала да основа семејство со него, но тоа, сепак не се случи.

Оваа голема желба на пејачката ѝ се исполни откако го запозна Боба и ги роди синовите Стефан и Виктор.

Продолжува на следната страница...