„Немавме тоалет, греев вода во лонец за бањање“ - Рада Манојловиќ за сиромаштијата во која пораснала и луксузот денес

Детали

понеделник, 01 јуни 2026

„Капењето со лонци, во корита и буриња е долг процес - додека загрееш вода, додека се полеваш, па чистење после тоа. Имавме само полско веце...“, искрено вели Рада Манојловиќ за сиромаштијата во која пораснала. Денес таа заработува илјадници евра од своите настапи, но не се срами од сиромаштијата во детството.

Пејачката Рада Манојловиќ никогаш не го криела фактот дека пораснала во скромни услови и дека некогаш во својот дом немале ниту основни работи, како што е тоалет.

Иако живеела во сиромаштија, Рада секогаш гордо истакнува дека имала прекрасно детство.

Фотографии од нејзиниот некогашен дом ТУКА...

Недостигот од пари бил присутен сè додека не се прославила во музичкото натпреварување Ѕвездите на Гранд.

Во едно интервју, таа искрено призна дека првпат видела туш и бања кај своја другарка, а воопшто не знаела како се користат.

На прашањето дали се сеќава кога првпат се искапела во вистинска бања, Рада вели:

„Тоа за мене тогаш беше вистински културолошки шок. Не можев да разберам како некој може да се истушира за една-две минути.

Другарката ми рече: ‘Само да се истуширам и тргнуваме’, а јас си мислев: ‘Како е тоа можно? Кај нас дома не стигнуваш ни вода да загрееш толку брзо’.

Капењето во корита и буриња е долг процес - додека загрееш вода, додека се полеваш, па чистење после тоа. Навистина ми беше неверојатно“.

Таа додала дека денес веќе не може точно да се сети кога првпат се искапела во бања, но претпоставува дека тоа било токму кај таа другарка.

Инаку, Рада на млада возраст останала без мајка, живеела со својот татко и сестрата Маја.

Нејзиниот татко напорно работел за да им ги обезбеди најосновните услови за живот. Во дворот имале разни домашни животни, трактори, стари комбиња и отпаден материјал.

Семејството користело полски тоалет.

„Се снаоѓаш. Имаш шпорет, загреваш вода и тоа е тоа...“, искрено потврдува Рада.

Продолжува на следната страница...