Може да одгриза прст – Колку е опасна отровната пуфер риба која почна да се појавува во Грција?

Генерално, овие риби не напаѓаат луѓе ако не се вознемирувани.

Сепак, имало ситуации кога рибата била привлечена од светкави предмети, како накит, мислејќи дека се храна, и во тој случај напаѓала.

Некои експерти споделуваат и дека случаи на напади имало кога туристи пробувале да ги хранат или да ги допрат рибите.

За грчкиот медиум Ekathimerini, биологот и професор Димитрис Пафрас открива на кои места е забележана рибата во последно време.

„Забележавме единки во области како островот Евбеја и западниот брег на Евија, како и покрај плажите на Атика“.

Тој споделува и дека оваа миграција на рибите е донекаде очекувана.

„Кога одреден вид ќе најде храна, соодветни температури, успешна репродукција и малку непријатели, неговото ширење не е изненадување, туку очекуван еколошки исход“.

Бидејќи, како што спомнавме, овие риби и да немаат природни предатори низ Медитеранот, многу брзо се размножуваат.

„Нема доволно природна контрола на Медитеранот за да се ограничи нивната популација“, додава професорот.

Според него, рибата била забележувана и покрај брегот на Кипар каде што рибарите пробувале да го намалат нивниот број, но не и целосно да ги елиминираат.

Грчкиот медиум Ekathimerini споделува и студија според која природните услови низ грчките води ќе бидат добри за овие риби и во наредните години.

Па, експертите очекуваат ова да биде долгорочна промена, а не привремена „наезда“.

Ако планирате да одите во Грција и ја забележите оваа риба, само држете се настрана од неа и ќе бидете безбедни.

Ако сакате да ловите риба, тогаш бидете особено внимателни и немојте да консумирате видови што не ви се познати.

Исто така, избегнувајте да ги храните рибите или да фрлате храна во водата бидејќи не само што загадувате, туку и ги привлекувате рибите поблиску до брегот.

Спирова С. | Црнобело