Српска пејачка (40) за животот со мултиплекс склероза: „Едно утро се разбудив речиси слепа, 2 години не знаеја што ми е“

Иако се соочува со силни болки во 'рбетот, чувствителност на силна светлина, бучава и допир, таа е особено горда што сè уште може самостојно да оди.

„Најгорда сум што сè уште одам. Многу луѓе со оваа болест завршуваат во инвалидска количка, а јас сè уште одам.

На мојата ќерка не ѝ ускратувам ништо. Сакам кога ќе порасне да се сеќава на весело детство исполнето со игра и цртање, а не на тоа дека мајка ѝ постојано била болна“.

Во секојдневната борба најголема поддршка ѝ е семејството.

Нејзиниот татко, Борис Бизетиќ, истакнува дека смеата е нивниот најсилен лек.

„Кај нас не поминува ден без некоја шега. Се засмејуваме меѓусебно и гледаме на животот со хумор.

Смеењето е лековито. Животот станува сè посуров, па затоа треба да му се насмееме.

Ако никој не те развеселил во текот на денот, развесели се самиот“.

С. С. | Црнобело