Сара Јо и синот на Бјелогрлиќ со прва заедничка фотка по гласините дека се пар - откако двајцата ги оставија партнерите

Детали

петок, 26 јуни 2026

Сара Јо и Алексеј, синот на Драган Бјелогрлиќ, потврдија дека се во врска еден месец откако почнаа гласините дека се нов пар, но и дека си ги оставиле партнерите за да бидат заедно.

Откако српската пејачка го остави својот долгогодишен дечко, а младиот актер раскина со девојката, тие беа снимени во белградски клуб.

Брзо потоа двајцата на своите Инстаграм Стори објавија фотки еден од друг, но на нив се гледаше само вратот и деколтето на другата личност, но според облеката и накитот, јавноста откри дека Сара го фотографирала Алексеј, а потоа и тој неа.

Сега, парот е на летување, а фотката што ја објави Алексеј е направена на плажа, под чадор за сонце - Сара е насмеана и делува многу среќно.

За потсетување, пред врската со синот на Бјелогрлиќ, таа околу 5 години беше во љубов со словенечкиот танчар Жига Шотлар, и јавно зборуваа за свадба.

Истовремено, Алексеј се гледаше со српската манекенка и актерка Јелена Злопорубовиќ, која ја одведе и на премиерата на „Свадба“, последниот филм на неговиот славен татко.

А. Ј. | Црнобело